Yu Save Winim Filing Ya Se Yu Stap Yu Wan Sipos Yu Halpem Narafala—?Baebol i Talem Wanem?

Plante man oli harem se oli stap olgeta wan mo oli no joen gud wetem ol narafala. Sam man we oli gat save long saed blong helt oli talem se taem yumi halpem narafala, hemia bambae i givhan long yumi blong winim filing ya se yumi stap yumi wan.

• “Taem yu halpem olgeta we oli nidim help, hemia bambae i mekem se yu glad mo yu no moa harem se yu stap yu wan.”—U.S. National Institutes of Health.

Baebol i tokbaot sam gudfala samting we yumi save mekem blong halpem ol narafala. Taem yumi mekem olsem, hemia bambae i givhan long yumi blong winim filing ya se yumi stap yumi wan.

Samting we yu save mekem

Givim samting long gladhat. Lukaot rod blong spenem taem wetem ol narafala mo serem ol samting we yu gat wetem olgeta. Hemia bambae i mekem se oli glad mo oli save kam ol fren blong yu.

• Advaes blong Baebol: “Yufala i mas gat fasin ya blong givim samting long ol man, nao ol man oli save givim samting long yufala.”—Luk 6:38.

Yusum paoa blong yu blong halpem narafala. Lukaot rod blong halpem ol narafala we oli stap fesem ol hadtaem. Maet yu save tekem taem blong lesin gud long olgeta o mekem sam wok blong givhan long olgeta.

• Advaes blong Baebol: “Wan fren i rere oltaem blong givhan, long eni situesen.”—Ol Proveb 17:17, Contemporary English Version.

Blong lanem olsem wanem blong fren gud wetem narafala, ridim atikol ya“Famle Mo Ol Fren.”