De Emwi Ne Arriọba Osanobua Khian Do Ru Ne Ima?

Ewanniẹn ne Baibol rhie ye inọta na

Arriọba Osanobua gha do rhie ihe arriọba emwa nagbọn hia, ọ ghi gha khan yan agbọn na. (Daniẹl 2:44; Arhie Maan 16:14) Ghee emwi eso ne Arriọba Osanobua khian ru ne ima . . .

• Ọ gha wabọ emwa dan hia. “Osanobua gha sanmwẹ emwa dan hin otọ nii rre.”​—Itan 2:22.

• Ọ gha dobọ okuo yi. “[Osanobua] dobọ okuo yi vbe uhunmwu otagbọn hia.”​—Psalm 46:9.

• Ọfunmwegbe kevbe agbẹkunsotọ ghi gha rre ehe hia. “Edọmwadẹ ọghẹe ghi gha rrọọ vbe ọfunmwegbe vbe ugbo e vaẹn kevbe erhan e fig ọghẹe, ọmwa rhọkpa i ghi vbe mu ohan.”​—Maika 4:4, Good News Translation.

• Ọ gha ya agbọn na khian e paradias. “Ato ghi gha ghọghọ, avbe obobo gha rhan vbe avbe otọ nọ dihoi rua.”​—Aizaia 35:1, Contemporary English Version.

• Emwa hia ghi gha mwẹ iwinna nọ maan, iran ghi vbe gha sọyẹnmwẹ iwinna iran. “Iran gha miẹn emwi ne iran miẹn ẹsọn yi ya ru ẹsẹsẹmwẹse. Emwi ne iran ru gha wa gha dinna odẹ.”​—Aizaia 65:21-23.

• Emianmwẹ i khian ghi gha rrọọ. “A i ghi vbe miẹn orhiọnkpa nọ gha kha wẹẹ, irẹn khuọnmwi.”​—Aizaia 33:24.

• Ma i khian ghi gha khian ọmaẹn. “Egbe ẹre ghi do dọlegbe gha ru ọvbokhan ọvbokhan, ọ ghi do situa.”​—Job 33:25.

• Emwa ni wulo gha rhiọ kpaegbe. “Ẹghẹ dee, ne iran hia ni rre uwu idin ayere gha ya họn urhu [Jesu], iran ghi ladian.”​—Jọn 5:28, 29.