Evba Kpee Re Na Ye Ehọ Viọ—Vbene A Ya Loo Ẹre Hẹ
1. Gberra avbe ebe ọghomwa na gbẹnnẹ ladian, de emwi ọvbehe ne a kpemehe ẹre ne ima?
1 Ọ keghi yẹẹ emwa nibun ne iran gha loo jw.org ya tie ẹmwẹ ẹmwata nọ rhiẹnrhiẹn kevbe nọ gbae. (Asan. 12:10) Sokpan, u he loo evba kpee re na ya ehọ viọ ẹdẹ ra? Ọna keghi ru iyobọ ne ima ya sẹtin danmwehọ avbe ayahọmwaehọ nibun ni rre wẹbsait ọghomwa. De vbene evba kpee re na ya ehọ viọ khian ya ru iyobọ ne ima hẹ?
2. De vbene ima khian ya loo evba rrẹkọdi na ya ehọ viọ hẹ, vbe iruẹmwi ọghe obọ ima ra ọghe ẹgbẹe?
2 Ima Gha Sẹtin Loo Ẹre vbe Iruẹmwi Ọghe Obọ Ima ra Ọghe Ẹgbẹe: Ima gha danmwehọ evba kpee re ọghe Baibol, ebe iyẹn ra ebe ọvbehe vbe ima gha rrie ehe, kevbe ima gha ru iwinna ẹdẹgbegbe ọghomwa, ọ gha ru iyobọ ne ima ya loo ẹghẹ ọghomwa ẹse. (Ẹfis. 5:15, 16) Ima gha sẹtin fiẹ werriẹ emwi ne ima ka ru vbe iruẹmwi ẹgbẹe ọghomwa deghẹ ima na gha danmwehọ errẹkọdi ọghe ne ebe ne ima ruẹ, vbene ima na da ne ebe yi vbe obọ gha rhie aro lelẹe. Ọ gha wa ru iyobọ ne ima ẹsẹsẹmwẹse deghẹ ima na gha loo evba rrẹkọdi na ya ehọ viọ vbe iruẹmwi obọmwa, katekate deghẹ ima na gha hoo ne ima guẹ sayọ vbe ebe na tie ra vbe urhuẹvbo na ruẹ.
3. De emwa ni gha sẹtin miẹn ere vbe evba kpee re na ye ehọ viọ vbe ako ne ima na kporhu?
3 Na Gha Sẹtin Loo vbe Ikporhu: Emwa ni rre ako ne ima na kporhu ni kha wẹẹ iran i mwẹ ẹghẹ na ya tie ne egbe iran, sẹtin danmwehọ evba kpee re. Ima sẹtin vbe dekun emwa ni zẹ urhuẹvbo ọvbehe, ni gha hoo ne iran danmwehọ iyẹn Arriọba vbe ‘urhuẹvbo ọghe iran.’ (Iwinna 2:6-8) Vbe ẹvbo eso, na gha danmwehọ keghi re evbọ ru ekpataki zẹvbe nọ gu ilele ọghe iran ro. Vbe igiemwi, vbe ilele ọghe ivbi Hmong, ọ keghi re emwi avbavbotọ ọghe iran ne iran gha tama ivbiorre ni dee, okha ọghe ẹvbo iran, kevbe wẹẹ emwa nẹi rrerre miamia ẹmwẹ na tama iran ẹre iran khin. Vbe otọ emwa nekhui nibun, ọ keghi rhiẹnrhiẹn iran ne iran gha ruẹ emwi lekpae na gha danmwehọ okha.
4. De avbe inọta ne ima gha sẹtin nọ egbe ima re, nọ dekaan vbene ima gha ya ru iyobọ ne emwa ni rre ako ne ima na kporhu hẹ?
4 Vbe ako ne u na kporhu, avbe ọ yan owa gha miẹn ere vbe u gha kpee evba rrẹkọdi vbe urhuẹvbo ọghe iran ra? Adeghẹ ima na la e-mail gie evba rrẹkọdi gie emwa eso, iran gha miẹn ere vbọ ra? Ima gha sẹtin danlod evba kpee re na ya ehọ viọ ye CD, a ghi rhiẹre ne ọ yan owa nọ mwẹ ẹkorhiẹnrhiẹnmwẹ, ọ gha kẹ, a ghi vbe rhie ọghe ebe nọ rrọọ vbe ba re nẹ ra? Ẹghẹ ke ẹghẹ ne ima ya rhie ebe ọghomwa, ebe ẹmu, ebe iyẹn, asobọrrie, ra ebe ni rre ekọmputa ra efoni ne emwa, ima sẹtin kae ba inu ebe ne ima rhie ne emwa vbe ikporhu. A keghi ru emwamwa ọghe evba kpee re na ya ehọ viọ ne ima miẹn loo vbe iruẹmwi ọghe obọmwa kevbe na vbe ya gha kọ ikpẹ ẹmwata ọghe ne Arriọba.—1 Kọr. 3:6.