Ẹkpẹtin Ọghe Inọta

◼ De ẹghẹ nọ khẹke ne a ya dobọ e baibol na gu ọmwa ruẹ yi?

Adeghẹ ọmwa ne a gu ruẹ e Baibol i ghi mwẹ alaghodaro, u sẹtin loo ẹwaẹn ya dobọre yi ighẹ ne iruẹmwi. (Mat. 10:11) Muẹn roro: Ọ ya iruẹmwi rhẹghẹ ra? Ọ muegbe yotọ khẹ iruẹmwi ra? Ọ he yo iko ẹdẹ ra? Irẹn vbe tama emwa ọvbehe vbekpa emwi nọ ruẹ ra? Ọ mwẹ afiwerriẹ vbe odẹ nọ ya yin zẹvbe nọ gu ilele ọghe Baibol ro ra? Ọ wa khẹke nu muẹn roro, inu ukpo nọ ye kevbe ẹrhiọn nọ mwẹ. U ghi yerre wẹẹ emwa hia i re ọkpa vbe ọ gha de ọghe alaghodaro na mwẹ. Deba ọni, deghẹ u na dobọ ne iruẹmwi yi, u ghi giẹ rẹn wẹẹ ẹkpotọ ye kie nẹ, nọ ya werriegbe suẹn gha ruẹ emwi vbe odaro adeghẹ ọ na muegbe.—1 Tim. 2:4.