Ya Oyaya Maa Emwa Emwi

U ghaa ya oyaya maa emwa emwi, ọ ghi gua iran kpa. Ọ ghi ya iran gbehọ kotọ danmwehọ ruẹ. Ọ gha vbe rhie ẹre ma wẹẹ emwi ne u ta ru ekpataki. Ai miẹn ọmwa nẹi khian sẹtin ruẹ vbene a ya ya oyaya guan. (Rom 12:11) De emwi nọ khian ru iyobọ ne ima?

Vbe okaro, u ghi muẹn roro vbene ẹmwẹ ne u khian ta ru ekpataki sẹ hẹ. Ukpamuyọmọ nọkhua nọ ne u na ya “iyẹn nọ maan” wewe. (Rom 10:15) Nogieva, muẹn roro vbene iyẹn nọ maan khian ya ru iyobọ ne emwa ni danmwehọ ruẹ. Ẹmwẹ ne u khian ta gha wa ru iyobọ ne iran, ẹi re nekherhe. (Rom 10:13, 14) Nokiekie, ya oyaya guan. Gha ya obọ gbekhakha vbe odẹ ọghe abiọmwabiẹ. Ọ khẹke na bẹghe ẹre vbe ugbaro ruẹ, vbene ẹmwẹ ne u ya guan ye hẹ vbe ekhọe ruẹ.

GHEE VIDIO NỌ MWẸ UHUNMWUTA NỌ KHARE WẸẸ GHA SỌYẸNMWẸ IWINNA ỌGHE NA YA EMWA KHIAN ERHUANEGBE KRISTI—GHA MWẸ ALAGHODARO VBE ODẸ NE U YA KPORHU—GHA YA OYAYA MAA EMWA EMWI, IYEKE ỌNI, A GHI ZẸ EWANNIẸN YE AVBE INỌTA NA:

• 

  Vbọzẹe nọ ma na ghi gha gbe Neeta otiti nọ gu e Jade ruẹ e Baibol?

• 

  Vbọ ghi ru iyobọ ne Neeta ya dọlegbe gha ya oyaya maa e Jade emwi?

• 

  Vbọzẹe nọ na khẹke ne ima gha rhie aro tua akpa esiesi ọghe emwa ni danmwehọ ima?

• Ma ghaa ya oyaya guan, vbọ khian ya ru iyobọ ne emwa ne ima maa re emwi?