Gha Loo Sọyẹnmwẹ Arrọọ Vbe Etẹbitẹ! Vbe Ikporhu

Ẹko wa sẹ ima ọyẹnmwẹ ne ima na mwẹ ebe ẹmu kevbe ebe ọgbọn ne ima khian ya gha gu emwa ruẹ e Baibol! Erhunmwu ne ima na, ọre ne Jehova fiangbe ẹrhiọn ne ima loo ya ru iyobọ ne emwa ya do khian erhuanegbe Kristi. (Mat 28:18-20; 1 Kọr 3:6-9) Vbe ima khian ya gha loo avbe ebe ọgbọn na hẹ?

Sọyẹnmwẹ Arrọọ Vbe Etẹbitẹ! keghi re iruẹmwi e Baibol na koko ziro yi, nọ gha ya ima rẹn odẹ ọgbọn ne ima khian ya gha maa emwa emwi. Nọnaghiyerriọ, lele avbe adia na vbe u ghaa mu egbe iruẹmwi e Baibol yotọ kevbe vbe u ghaa gu ọmwa ruẹ e Baibol.a

• Uwa tie ako ne uwa khian ziro yan, uwa ghi vbe ziro yan inọta ni rrọọ

• Uwa tie ako ọghe evbagbẹn nọhuanrẹn na wẹẹ na “tie,” u ghi ru iyobọ ne ọmwa ne u gu ruẹ e Baibol ya rẹn otọ ẹre sayọ

• Kpee vidio ni rrọọ ne uwa vbe ya inọta ni rrọọ ziro yan rẹn

• Ẹghẹ ke ẹghẹ ne u ya gu ọmwa ruẹ emwi, hia ne uwa ziro yan uhunmwuta ọkpa fo

U ghaa rre ikporhu, u ghi ka rhie ebe ẹmu nọ rrọọ ne ọmwa, ne u mieke na rẹn deghẹ ọmwa nii gele hoo nọ ruẹ e Baibol. (Ghee ẹkpẹti nọ khare wẹẹ, “Vbene U Khian Ya Rhie Ebe Ẹmu Na Tie Ẹre Sọyẹnmwẹ Arrọọ Vbe Etẹbitẹ! Ne Ọmwa Vbe Otuẹ Nokaro.”) Uwa gha ghi ruẹ ebe ẹmu na fo nẹ, deghẹ ọ ye hoo nọ gha ruẹ emwi, u ghi rhie ebe nọ rrọọ nẹẹn, uwa ghi suẹn vbe iruẹmwi 04. Deghẹ ebe na tie ẹre E Baibol Maa Ima Emwi ra Remain in God’s Love ẹre uwa te ruẹ, uwa ghi la Sọyẹnmwẹ Arrọọ Vbe Etẹbitẹ!, ebe nọ rrọọ, uwẹ ẹre ọ khian ghi ta eke ne uwa khian ke suẹn.

GHEE VIDIO NỌ MWẸ UHUNMWUTA NỌ KHARE WẸẸ, SỌYẸNMWẸ IRUẸMWI E BAIBOL RUẸ, IYEKE ỌNI, A GHI ZẸ EWANNIẸN YE AVBE INỌTA NA:

• De emwi ne emwa ne ima gu ruẹ emwi gha miẹn ruẹ vbe ebe ọgbọn na?

• Vbọzẹ nọ na khẹke ne ima kpee vidio na ma emwa ne ima da suẹn gha maa ẹre emwi?

• De emwi nọ khẹke ne u rhie igiọdu ne ọmwa ne u gu ruẹ emwi nọ ru?—Ya ghee isama nọ mwẹ uhunmwuta nọ khare wẹẹ, “Olika Ẹmwẹ Kevbe Emwi Ne U Gha Ru Nọ Rre Dọmwadẹ Abọ”