-Dɩgböɲɩ, a nɩ ˈɲɛ ˈa dila zɛmö a wɛlɩɩ a -lowluwa

ˈA dila zɛmö a wɛlɩɩ ˈwuë, -yɩ kä ɔ ˈŋlɩ ˈn a kä ɔ a ˈkɩ a -lowluwa ˈɲɛ ˈnɩ? (Pr 23:26) -Yɩ kää ˈŋlɩ miɛ nɩɩ, ˈmö Zoova -sɛɛ nzɩ wa ˈkaɲɩ ˈyli ˈzʋnɩ. (Ps 127:3, 4) ˈSaa ˈtɛɛnaɲɩɛ kɛˈmö ˈn ˈsaa libhaɲɩɛ dlɩ, a -kʋaɲɩ ˈylimö zizanɩɩ, wa ˈnaa ˈkaɲɩ kwänɩ. ˈN ˈsaa wa ˈcɩɛ -mä ˈwa zɩkpaa ˈmö, wa ˈnaa ˈkaɲi sʋlʋnɩ. ˈSaa a pää dlɩ ˈwʋ, a ˈnʋaɲɩ ˈɲɛɛ -lizoku bhä -a? Nˈnn, ɛˈɛ -bhö abhlɩ -lizoku, maa a nɩ ˈnɛɛmanɩ aɲɩ ˈwʋ a tua dula.—Pr 3:32.

Sɛɛ a -ɲɛ a -lowluwa ˈsɔ ˈkä ɔ ˈdɩ -sɛ ˈnɩ? A nɩ tɛlɩ ˈtɛɲɩ a -tɛɲɩ sɛ. A -ɲʋa ˈsɔ ˈkä ˈdɩ -sɛ -kaaɲɩ kɛˈmö ˈtɛɛnɩɩ, ˈsaa a pää dlɩ ˈwʋ a nɩ ˈceli a ˈkʋaɲɩ yowʋ ˈɲɛ. Wɛlɩɩ a -mi a ˈnɩɛ ˈyɩbhä a ˈkä bhïla, wa -kɩɩ -lɛ ˈpä sɛɛ a ˈkä ɔ ˈzʋ ˈnɩ? A nɩ kɩ dlɩ ˈwʋ nɩɩ, wa ˈkaɲɩ -tiamö kwänɩ nza wa yɩbhää wa ˈkä -sɩbhä a wɛlɩɩ bhïla. A nɩ ˈlibhï a -lowluwa a ˈbhɛya sɛ ˈwʋ, maa a nɩ tuë a -gblɩwa a sɛ ˈwʋ ˈlibhï. A -kä ˈa ˈmlɩ a wɛlɩɩ a -lowluwa ˈɲɛɛ, yɩ yeaɲɩ zɩˈɛ kwänɩ, ˈn yɩ yeaɲɩ kwädlɩkwädlɩnɩ kwänɩ!—Pr 4:10-12.

A NƖ YLƐ VIDEO DƐƐ -N -WƲ A-A -DƖGBA ˈWƲ: SƐƐ -N -ƝƐ -NA -LOWLUWA ˈSƆ ˈKÄ Ɔ ˈDƖ -SƐ ˈNƖ? ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  Ɛsɩtɛlɩ -ɲɛ Paatikö ˈsɔ, sɛ wa -wʋä bhlaˈmö a dɔˈwʋ sɛɛ wa gbä ɔ ˈnɩ?

• 

  ˈSaa a bhɛnɩ ɔ a ˈkä Zezwii a dɛ ˈcɩɛ ˈnɩ?

• 

  Sɛɛ a -lowluwa tula ɔ nɩɩ, a gbʋ plɛnʋa ˈnɩ?

• 

  Biblë ˈmö a ˈpäpägböö a -mi bhɛnɩ ɔ yɩ ˈkaɲɩ kwänɩ nzɩ a -ɲɛ a -lowluwa ˈsɔ ˈkä ˈdɩ -sɛ ˈnɩ?