Azovi mwa mandeyi dunia ?

VALINI BIBLU

« Dunia djabi andesi ni lulu » (1 Yuhani 5:19, Bible du Semeur).

« Ndragnahari... hanorutoru Shetwani... tsi hu ela » (Reu Romu 16:20, Tafaswiri ni dunia vaovao).

DIKANI IZI IU AMINAU

Vulagna ankitinyi reu mampahei anau :

fagnazavana miaraka ndreki dzali momba duniani (Fagnabukuana 12:12),

manani atukisana fivilomana tsara (1 Yuhani 2:17).

HOLU METI MATUKI RAHA VULANYI NI BIBLU ?

Iya, misi manani shingani telu :

• Ndragnahari mihala fandzaka ni Shetwani. Jehovah Ndragnahari tsi hagnambela kua Shetwani handzaka an holumbelu. Izi magnamia tama amba « tsi hisi kua [...] Shetwani » ndreki izi mbu hagnadzari raha rati djabi nato ni Shetwani (Reu Hebreu 2:14).

• Ndragnahari nifidi Insa natoni ampadzaka ni dunia. Insa tsi miragna ndreki shefu ni dunia ijoti, Shetwani mitia vatategnani tu ndreki izi mashiaka. Ndragnahari magnamia tama amba ampadzaka Insa « mbu halahelu an holu mafrenyi ndreki holu midzali [...]. Izi mbu hagnaboka reu an dzali ndreki an kubei mahazu reu » (Zabura 72:13, 14, Bible en français courant).

• Ndragnahari tsi mavandi. Vulagna ni Biblu mazava : « Ndragnahari tsi meti mavandi » (Reu Hebreu 6:18, Tafaswiri ni dunia vaovao). Neka Jehovah magnamia holu tama an draha, karaha fa nefa kamwa (Izaya 55:10, 11). Ankitinyi, « shefu ni dunia ti mbu hu ruahina » ! (Yuhani 12:31).