Inu mwa fandzakan’Ndragnahari ?

VALINI BIBLU

« Ndragnahari ni maingu mbu hagnanu fandzakana tsi hu ravagna daima » (Danieli 2:44, Traduction du monde nouveau).

« Fandzakan’duniani nivadiki fandzakan’Tompitsika Ndragnahari ndreki ni Insa Almasi » (Fagnabukuana 11:15).

DIKANI IZI IU AMINAU

Tama reu mampatuki anau amba :

• Misi fandzakana ni haki mahaleu magnamia anau raha tsara rangu ijoti (Izaya 48:17, 18).

• Fivilomana tsara, tsisi aretinyi ndreki misi fiaragnana mahampi an dunia vaovao mbu havi tsi hu ela (Fagnabukuana 21:3, 4).

HOLU METI MATUKI RAHA VULANYI NI BIBLU ?

Iya, misi manani shingani aroyi :

• Insa nampizaha holu raha mbu hatoni fandzakan’Ndragnahari. Insa nampiantra mwanafundini hangataka amba fandzakan’Ndragnahari hu havi ndreki nyani hatoni an tani etu (Mata 6:9, 10). Izi nampizaha karaha akori hataka iu mbu huvua vali.

  Izi tan tani tetu, Insa nampihinagna holu musari, nahadzanga holu marari, ndreki namelugnu holu nati ! (Mata 15:29-38 ; Yuhani 11:38-44). Raha natoni reu mampahita hatsaragna mbu hazun’holu lera ni izi mandzaka an fandzakan’Ndragnahari (Fagnabukuana 11:15).

• Raha momba duniani ijoti, mampizaha amba faviani fandzakan’Ndragnahari fa marini. Insa fa nagnambara amba, aluha ni fandzakan’Ndragnahari hagnanu fiadagnana an tani etu, dunia ti mbu fenu adi, musari ndreki horuhorun-​tani (Mata 24:3, 7).

  Raha rati reu hitatsika ijoti. Fahitatsika reu mampatuki atsika amba tsi hu ela fandzakan’Ndragnahari mbu hagnaboka dzali karaha reu djabi.