Akori fahitanau Biblu ?
An fahizanau izi, iu...
kiu nisoratan’holu misi fahizana.
kiu navadikin’holu.
kiu boka an Ndragnahari.
VALINI BIBLU
« Soratra masinyi djabi boka an Ndragnahari » (2 Timuti 3:16, Tafaswiri ni dunia vaovao).
DIKANI IZI IU AMINAU
Biblu meti magnamia anau :
valini tsara ndreki mamparavuravu an fagnutaniana meti mampidzali an fivilomanau (Obulagna 2:1-5),
antra tsara an fivilomana kila zuva (Zabura 119:105),
tama ankitinyi ni amarei (Reu Romu 15:4).
HOLU METI MATUKI RAHA VULANYI NI BIBLU ?
Iya, misi manani shingani telu :
Vulagnanazi fagnaraka tsara. Lalahi 40 nanoratra Biblu tagnati ni mwaka 1 600. Amarozandreu tsi fankahei, fo soratrandreu fagnaraka tsara.
Vulagnanazi ankitinyi. Matetiki ampanoratra kiu tsi magnabuku neka tanindreu wesa an adi. Fo tsi karaha zenyi ampanoratra Biblu. Reu namosa raha rati natondreu ndreki ri havandreu (2 Kuragna 36:15, 16 ; Zabura 51:1-4).
Vulagnanazi havi ankitinyi. Wakati ni Babylone, fa nisi mwaka 200 taluha, Biblu nivulagna amba tanana ni Babylone mbu hu ravana (Izaya 13:17-22). Izi fa nampahei, tsi modeli handresiana tanana iu tu, fo ata agnaragnan’holu hangala izi iu, Cyrus ! (Izaya 45:1-3).
Maru raha fa nambara ni Biblu taluha tanyi fa niboka djabi, tsisi niova ata areki. Basi zenyi kamwa ro raha dasitsika an kiu boka an Ndragnahari ! (2 Piera 1:21).
RAHA METI DZIRENA
Karaha akori Vulagna Ndragnahari meti mahatsara fivilomanau ?
Biblu mamali fagnutaniana iu an IZAYA 48:17, 18 ndreki an 2 TIMUTI 3:16, 17.