Furíei wamá hawagu wíbirigu ha éibaahoubaña

Ariñagatu Bíbülia lidan aban profesía léibaahabadiwa lan Satanási lun mapurichihan wamá (Huan 15:20; Aruf 12:17). Ka gayaraabei wadügüni hawagu íbirigu ha éibaahoubaña? Gayaraati wafurieidun hawagu. Ariñagatu Bíbülia: “Wéiriti lubafu afurieidúni le ladügübei gürigia le richaguabei tau sun lanigi” (Sant 5:16).

Kaba wamuriaha luma Heowá lidan burí furíei le? Gayaraati wamuriahan luma lun líderaguniña wíbirigu lun ganigi hamá manufude hagíame (Isa 41:10-13). Amuriaha wamá giñe luma lun ladügün lun hígiruniwa gumadimatiña lun “wabagaridun aban ibagari darangilati” gayara láamuga wapurichihan (1 Tim 2:1, 2).

Furíeitiña meha kristiánugu luagu Pábulu luma Féduru dan le héibaahounbei, ani írida hamuti hiri lidan hafurieidun (Adü 12:5; Rom 15:30, 31). Lau sun ibidiñe lan hiri sun íbirigu ha asufurirubaña éibaahouni woun gayaraati wíriduni liri damuriguaü, ageiraü o fulasu le ñein habéi dan le wafurieidun.

Bürǘ huméi liri burí fulasu le ñein lubéi héibaahoua íbirigu ha uágutiña habusenra hafurieidun.