Chouru huméi línsiñehabu Heowá le magumuchadibei

Gebegitün saragu lun Heowá (Isa 43:4). Seremei lun le ladügübei Heowá gayaraati gamadagua humá luma ani lun tílana humá lóundarun. Kei deregeguaadün lan hungua lun Heowá badisei huguya, guentó lánihadün Heowá. Ligíati, lóunigirubadün lidan dan le hénrengubei ani larufudubei ínsiñeni le magumuchadibei hun lau layusurunu lóundarun (Sal 25:10).

Dan le warihini ida liña lan tíderaguniña lóundarun Heowá íbirigu ladüga chagaguaü le ladügübei liñawan dan, ábatima gebegitima lan línsiñehabu Heowá le magumuchadibei woun.

LÁRIGIÑE HARIHINI BIDÉU ARIÑAHANI LÁNINA SÉTANU LE ARIHIBEI LAU HÍDERAWAGUN ÍBIRIGU (2019), ÓUNABA HUMÉI ÁLÜGÜDAHANI BURÍ LE:

• 

  Ida liña hadügün lílana sétanu le arihibei lau híderawagun íbirigu ha tídanbaña Beteli to lídanboun sun ubóu aransehani lau lóufudagun?

• 

  Ka tadügübei lóundarun Heowá lun lichugún adundehani luma ídemuei lun ageiraü Indonésia luma Niheria?

• 

  Ka aweirigüdübarun hanigi luagu aransehani le tadügübei lóundarun Heowá lidan lidaani COVID-19?