Le gayarabei wariñagun tuagu garüdia

Gumese wamá aturiahani tídangiñeti Bíbülia lidan furumiñeti samudi lidan bián-hati

“Saminatün san luagu gani lan Bungiu aban óundaruni uguñe weyu, o saminatün lun lan kada aban wádangiñe líchiga adundehani? [Ígira humá lun lóunabun gürigia.] Ariha huméi le ariñagubei ya hawagu lumutuniña Bungiu ha lóundaraguagüdübaña saragu irumu lubaragiñe le.” Arufuda humoun garüdia La Atalaya to lánina 1 lidan bián-hati, páhina 26, ani akutiha huméi ariñahani le lábugiñebei furumiñeti subtítulu úara, aliiha humá íbini aban bérusu. Ígira humoun garüdia ani adüga humá aransehani lun hagiribudun óunabei le aban álügüdahani.

Garüdia Atalaya 1 lidan bián-hati

“Adimurehatiña gürigia luagu arümahedón lidan lagumuhóun burí irumu. Afiñetün san luagu gayara lan hadügün gürigia somu katei lun masuseredun lan Arümahedón? [Ígira humá lun lóunabun gürigia] Yagiñe liabin dimurei ‘Arümahedón’. [Aliiha huméi Arufudúni 16:16, arufuda huméi tidáü garüdia.] Ru tumuti garüdia to óunabagülei tídangiñeti Bíbülia lun álügüdahani burí le.”

¡Despertad! Bián-hati

“Uguñe weyu gíbetiña gürigia gundatiña lau hayanuhan hama amu tidan Internet. Saminatün san anihein lan denchaü lidan hayanuhan gürigia lídangiñe Internet? [Ígira humá lun lóunabun.] Tidan Bíbülia anihein fiú adundehani le íderagubaliwa lun góunigi wamá woungua. [Arufuda humoun garüdia lidan páhina 6 darí 9, anúadira humá aban álügüdahani ani akutiha huméi luma, bérusu tídangiñe Bibülia le lárigiñebei.] Tíderagubadün garüdia to lun hasubudiruni peliguru luma lun hóunigiragun hungua luéi ayanuhani hama amu tidan Internet.”