Le gayarabei wariñaguni tuagu garüdia

Gumese wamá aturiahani tídangiñe Bíbülia lidan furumiñeti samudi lidan biama-hati

“Añahein gürigia saminatiña luagu Mafia lan agumeserubalin wuribani. Gama lumoun, añahein gürigia ibidiñeti houn halíagiñe lan lachülaagua Mafia, ábati hálügüdagun houngua anhein Bungiu lubéi funa adügübalin. Ka hisaminanbei libügürü katei le? [Ígira humá lun lóunabun gürigia.] Ariha huméi le bürüwañubei ya.” Arufuda huméi arütíkulu le tanagangiñebei Garüdia Atalaya to lánina 1 lidan biama-hati lun ani akutiha huméi ariñahani le lídanbei furumiñeti párafu luma bérusu tídangiñeti Bíbülia le ñeinbei. Ígira humóun garüdia ani ariñaga humá lun hagiribuduba lan amu weyu lun hakutihani lóunabagüle álügüdahani le asigirubei.

Garüdia Atalaya 1 lidan biama-hati

“Hínsiñeti hamuga woun wasubudiruni ka lan hisaminanbei luagu gürigia le inebebei houn kristiánugu, huríu luma houn musulman. Wadimurehaña luagu Moisesi. Ka ñǘbuinbei lidoun hisaminan dan le haganbuni liri? [Ígira humá lun lóunabun gürigia.] Lau sun meha aban lan gürigia gafigounti ligía, adügati le tariñagubei Bíbülia luagu lun taweiridun wanigi [aliiha huméi 2 Lúrudu 34:10-12]. Tadimurehaña garüdia to luagu ǘrüwa igaburi le meha larufudubei Moisesi luma ida luba lan gayara lan wáyeihani.”

¡Despertad! Biama-hati

“Uguñe weyu, kamaniti hígiruni gürigia hageira lun houndin áluagua houngua. Afiñetün san ibiha hamani gürigia hagía le háluahabei? [Ígira humá lun lóunabun gürigia.] Lúmagiñe tidaani Bíbülia añaheingubeiñanu gürigia ha asandirubaña mosu lan hígiruni hageira lun houdin áluagua houngua. Ígira humana lun narufudun aban hénpulu hun tídangiñe furumiñetu líburu to tídanboun Bíbülia [aliiha huméi Agumesehani 46:5, 6]. Takutihañein garüdia to álügüdahani burí le.” Arufuda huméi álügüdahani burí le áfuachubei lidoun lagumuchun páhina númeru 6.