Buidutimalá wadügüni katei: íderagua waméi wapaaná

Ka uagu súdini lubéi? Subudi lumuti meha Hesusu súdini lan gapaaná lan gürigia dan le lapurichihan. Ligía bián bián lubéi lóunahaña 70 lani disipulugu dan le lóunahanbaliña apurichiha lubarua (Luk. 10:1). Gayarati híderaguni hupaaná anhein hariha lídanñein lan lénrengunga o ibidiñe lan lun kaba lan lóunaba lun álügüdahani le ladügün gürigia le unbei lapurichiha lun (Apur. 4:9, 10). Gayarati giñe hayanuhan lun luagu burí sügǘ le winwan humaalibei o híchugun somu adundehani lun libügürü le gayarabei ladügüni lun buídutima lan ligaburi lapurichiha (Ari. 27:17). Gayarati giñe hadimurehan luagu burí katei le ruti dǘgüdaguaü lidan héibuguña lan tídangiñe aban muna tuagun amu (Fili. 4:8).

Le lunbei wadügüni:

Metenira humá lun amu katei danme lapurichihaña lan hupaaná (Sant. 1:19). Anhein laliihaña lubéi aban bérusu tídangiñe Bíbülia, sigí huméi aliihani tidan hibibülian. Ítara, ménrenguntimabei hun híderaguni anhein lemegeira.
Arufuda humá lichú aau danme desidírü humani anhein lunti lubéi hóunabun lidan le ayanuhóubei luma ídaba lan hadügei (Ari. 25:11). Anhaün ñüdün íchiga aturiahani tídangiñeti Bíbülia luma aban íbiri, chóuruti gúndaabei lan lun hariñagun somu katei lidan aturiahani. Gama lumoun, anhein hapurichihaña lubéi muna tuagun muna, másiñati busenbei lan hupaaná ligíarügü lan ayanuha danme le lun lan latokara. Ánheinti málügili lubéi lúmagiñe liridún kei apurichihati o ibidiñe lan lun ida luba lan lóunabuni gürigia le adügüti somu álügüdahani lun o le ariñaguti somu katei lun lararamuni yanu, gúndaabei anhein híderagua. Dandu anhein hapurichihaña lubéi luma aban íbiri muna tuagun muna, hagiribuduña lan abisidaha somu gürigia o híchuguña lan aturiahani tídangiñeti Bíbülia, moun lumuti hadüraaguni yanu, huguyatima lan ayanuha o hasansiruni tema le uágubei layanuhóua.
Ayanuha humá lun luagu burí sügǘ le winwan humaalibei lidan ministeriu. Anhein ariha hubéi gayara lan híchugun somu adundehani lun íbiri le úmabei hapurichiha lun buídutima lan lagunfuliruni lani ministeriu, adüga huméi (Ari. 3:27). Lachülürüba dan lun hálügüdüni: “Ida liña barihin lun ligaburi léibugun yanu luma buga gürigia le unbei wapurichiha?”, “Gayarati níchugun somu adundehani bun?” o “Dan le lasuseredun aban katei ítarati, hóuchatina...”. Gabaroun huméi gúndaabei lan íbiri anhaün íchiga somu adundehani lun, gama lumoun gayarabei leferidiruni luguraasun anhein sagü lubéi lachararun hariñaguni lun.

Houcha humá hadügüni le lidan sun hati:

Danme lagumuchun hapurichihan, ariñaga huméi lun hupaaná ka lan katei lídangiñe le lariñagubei o ladügübei íderagubalün.