Amisuraha wamañagia!

Lidan saragu damuriguaü añahein íbirigu ha lóuguabei háfuridun apurichiha ladüga anihein lan somu sandi máraninati hawagu o ladüga wéiyougaaña lan (2 Ko. 4:16). Anhein añahein lubéi íbirigu ha ásügürübaña lídangiñe katei le lidan damuriguaü le ñein wabéi, gayarati wamisurahaniña lun houdin íchiga aturiahani tídangiñeti Bíbülia wama. Anhein siñá lubéi láfuridun aban íbiri lúbiñegiñe, gayarati wanügüni aturiahati lúbiñoun. Anihein dan, gayarabei wamisurahan aban íbiri le sánditi apurichiha fiúraü muna o houdin wama danme wagiribudun abisidaha aban o bián gürigia. Hibe-agei íbirigu ha wéiyougaañabaña gíbeti hasubudirun luagu apurichihani, ligíati dan le wapurichihan hama íbini giñe wagía sagatiwa buiti (Rom. 1:12). Gayarati wachoururuni labinirubei lan Heowá áfaaguni le wadügübei lun wíchugun dǘgüdaguaü houn íbirigu ha luma lun warufuduni houn hínsiñe hamá woun (Ari. 19:17; 1 Huan 3:17, 18).