Aban iseri ídemuei lun taturiahóun Bíbülia

Yusu hamaaru saragu míñunu íbirigu Índice de las publicaciones Watch Tower lidan haturiahan hábuguarügü. Gama lumoun, kei wéiriya tubéi ani gibe ligía katei tafuranguagüdün, lídanrügüñein fiu iñeñein tadügǘwa. Ánhounti Adundehani lun haturiahan gefentiña luagu Heowá lídanñoun 170 iñeñein. Liibe-agei ariñahani le ídounbei tóunaha tídangiñeti agumeiraguagüdüni to áfuriduboun lúmagiñe irumu 2000. Úati imprimírua tan Adundehani lun aturiahani lidan burí iñeñein le ídanbei anuhein lan Índice, gama lumoun, anuhein lidan Watchtower Library luma lidan Tani Watchtower LÍBURU-AGEI LIDAN INTERNET. Wéiribei tahuudun garüdia to woun lun wadarirun óunabagülei lun álügüdahani tuáguti Bíbülia, ariñahani luagu somu tema le wabusenrubei wakutihan luma lun waranserun lubá adamuridaguni o lubá waturiahan lidan Guñoun lánina Wáhuduragun lun Bungiu úara hama Waduheñu.