Adundehani lun aturiahani

Subudi humuti san ligaburi lafuranguagüdǘn fiu bérusu tídangiñeti Bíbülia le burí áfuachubei tidan garüdia Adundehani lun haturiahan gefentiña luagu Heowá?

Líderagubadün afuranguagüdüni burí le, lúntima hasubudirunu Lererun Bungiu buidu. Tidan, iridúati ariñahani le lubaragiñebei luma le lárigiñebei bérusu le aliihóubei, ka lan uagu labürüdǘwa, ka lan un labürüdǘwa o le mini lubéi ítaga dimurei.

Meberesenga anhein hayusuruñoun lubéi LÍBURU-AGEI LIDAN INTERNET Watchtower^™ o programa JW Library^®, gayaraati hebelurun tidan garüdia Adundehani lun haturiahan gefentiña luagu Heowá lídangiñe aban bérusu tídangiñeti Bíbülia. Hadarirubei fánreinti lánina aturiahani luagu furumiñeguarügü bérusu tídangiñeti Bíbülia le hadarirubei ñein.

Danme le hayusuruni ariñahani le, teni humá lun ka lan dan lafidirúa. Ariñahani létima iseribei ligía áfuachubei furumiñe. Éibume ararireina humá, hadariruba ariñahani le binaduhali. Gabaroun huméi gayara lan anihein lan fiu ariñahani le mayusurúnwaali ñein.

• Tidan LÍBURU-AGEI LIDAN INTERNET Watchtower, fuatu Adundehani lun haturiahan gefentiña luagu Heowá ñein.

• Lun gayara lan harihini ariñahani lidan JW Library, mosu harariragüdünu garüdia Adundehani lun haturiahan gefentiña luagu Heowá luma ariñahani iseritimagili le áfurideinabei. Lun hadariruni, mosu hadügüdarun luagu budún le íñubei le lídanbei fánreinti aturiahani lidan furumiñeguarügü kapítulu tídangiñeti Bíbülia.