Yusu wamóun tulu to wámaboun lun wáluahan ariñahani

Ruti Heowá agumeiraguagüdüni lun wabuiduragüdüni ligaburi warufudahan, kéiburi bidéu, tratadu, garüdia, líburu ani tulu tótima súdinitimaboun, Bíbülia (2Ti 3:16). Ruti giñe tulu woun lun wáluahan ariñahani lun gayara lan wafuranguagüdüni le tariñagubei Bíbülia. Fiu tídangiñe Watchtower Library, programa JW Library^®, Watchtower™ LÍBURU-AGEI LIDAN INTERNET túmati Adundehani lun haturiahan gefentiña luagu Heowá.

Gúndaabadün lau háluaha pérüla o ariñahani lúmagiñeti Bungiu labadinagua saragu ariñahani le wámabei. Arufudaha huma lun aturiahati ida luba lan layusurunu tulu burí to. Hagundaaruba giñe danme le hasubudiruni darí hama lan óunabagülei lun álügüdahani le hadügübei tídangiñe Bíbülia.

LÁRIGIÑE HARIHINI BIDÉU SANDÍ WAMÉI UGUNDANI LE LÍCHUGUBEI HADÜGǗN DISIPULUGU, LAU WÁNHARUN LUN ÍDEMUEI LE LÍCHUGUBEI HEOWÁ: WÁLUAHAN LANWOUN ARIÑAHANI, ÓUNABA HUMÉI ÁLÜGÜDAHANI BURÍ LE:

• Ka katei úabei gunfuranda tani Nirisin luagu burí le geyegubei wau le ladügübei Bungiu?

• Halía táluahan Neta ariñahani?

• Ida liña tanúadahan Neta ariñahani le buídutimabei tun Nirisin?

• Ka buiti tasagarubei Neta lau tayusurunu tulu to lánina láluahoun ariñahani?