Le gayaraabei wariñaguni tuagu garüdia

Garüdia Atalaya 1 lidan eneru

“Genegeti ábangubeiñein lan turobuli liwiye igaburi haganagua gumadimatiña. Ka funa san uagu? [Ígira humá lun lóunabun gürigia.] Ariha huméi ka lan tariñagubei Bíbülia lidan bérusu le [aliiha huméi Apurichihati 7:20.] Afuranguagüda tumuti garüdia to ka lan tariñagubei Bíbülia libügürü laranseha turobuli le. Lau fulesei, sagá humá murusun dan lun haliihani le tariñagubei. Níchigaaru to hun.”

¡Despertad! Eneru

“Gíbetiña gürigia saminatiña ewolusión lan adügübei lun lagumeserunbei ibagari ani añahein amu machourun hamuti. Agia huguya, ka hisaminanbei libügürü ligaburi lagumeserun ibagari? [Ígira humá lun lóunabun gürigia.] Arufudaali akutihani le adügǘwaalibei lidan saragu irumu lídangiñerügüñein lan ibagari gayara lan liabin ibagari. Úarati saminaü le luma dimurei sensiyuti le wadarirubei tidan Bíbülia lidan bérusu le [aliiha huméi Sálumu 36:9.] Tidan garüdia to, akutihóuati ka lan uagu samina habéi saragu gürigia siñá lan lídangiñe lan ewolusión liabin ibagari le wéiribei ubuidun ítara.”