Le gayaraabei wariñaguni tuagu garüdia
Garüdia Atalaya 1 lidan bián-hati
“Wederegeheñóun tratadu to houn sun gürigia ha lídanbaña fulasu le. Arufuda tumuti ménrengun lan tayusurún Bíbülia. Anuhán hani. [Derege humá aban tratadu Ida liña san harihinu Bíbülia? lun gürigia] Álügüdaguaadün san hungua halíaba lan gayara lan wadarirun ídemuei lun buidu lan lidin woun lidan wawadigimari? Ariha huméi le lariñagubei bérusu le luagu wadagimanu. [Aliiha huméi Apurichihati 3:13.] Ayanuhatu garüdia to luagu saragu adundehani tídangiñeti Bíbülia le gayaraabei líderaguniwa lun gunda wamá lidan wawadigimari. Hínsiñeti hamuga hun lun haliihanu?”
¡Despertad! Bián-hati
“Wabisidahañanu besinagu murusuraü lun warufudunu garüdia ¡Despertad! to lánina hati le houn. Rutu óunabagülei lun aban álügüdahani súdiniti. [Arufuda huméi tidáü garüdia lun gürigia.] Hínsiñeti hamuga nun lun nasubudiruni le hisaminanbei luagu adundehani tídangiñeti Bíbülia le. [Aliiha huméi Ariñawagúni 29:11.] Afiñetün san hu lan burí adundehani le tídanbei Bíbülia woun? [Ígira humá lun lóunabun gürigia.] Ayanuhatu garüdia to luagu gádürü adundehani méiniti le tídangiñeti Bíbülia ani ayanuhatu luagu buiti le ibihúbei lau lafalarúniwa adundehani burí ligía.”
Niliburun lánina abahüdaguni tídangiñeti Bíbülia
“Gumese humá lau hadügüni álügüdahani le: Según hisaminan, lagünrinchawaguba funa san Ubóu lau aban wuribu le lunti lasuseredun lidan sun ubóu o lau somu hárabaganali, herigini o katei líbeina lira? O saminatün aba lanme hóunwegun sun gürigia ladüga somu sandi galugurahati kéiburi ébola? Afiñetiña saragu gürigia ítara luba lan lasuseredun.... Agia huguya, ka hisaminanbei? [Ígira humá lun lóunabun gürigia] Ariha huméi ida liña lan tachoururagüdüni Bíbülia magünrinchawagunbei lan Ubóu, merederun ligíame málouga. [Aliiha huméi Isaíasi 45:18, le ñein lubéi larufudúa laduraruba lan Ubóu lun súnwandan luma Sálumu 37:29 le ariñagubei haganóuba lan gürigia buítiña ubouagu lun súnwandan. Ábameti hederegerunu líburu Abahüdaguni tídangiñeti Bíbülia lun, arufuda humeime abahüdaguni 115 lun].”