Buidutimalá wadügüni katei: ida luba wapurichihan houn gürigia ha ayanuhabaña amu iñeñein

Ka uagu súdini lubéi? Busenti Heowá lun híderawagun gürigia ha lídangiñetiña sun fulasu asubudirei inarüni luagu (Adü. 10:34, 35). Ariñagati meha Hesusu lapurichihóuba lan uganu buiti “lidan sun ubóu” luma “lun lasubudirúniwa lidan sun fulasu” (Mat. 24:14). Ariñagati giñe Sakaríasi hánharuba lan gürigia “ha ayanuhatiña sun luwuyerigu iñeñein” lun inarüni (Sak. 8:23, TNM). Ani según arufudúni le larihibei apostolu Huan, sun gürigia ha lúnbaña hásügürün lau ibagari lídangiñe óunwenbu asufuriruni lídangiñebaña “sun fulasu, sun rasa, sun iñeñein luma néchani” (Aruf. 7:9, 13, 14). Ligíati, ánhawa adunragua hama gürigia ha ayanuhatiña amu iñeñein lidan wapurichihan, lunti wáfaagun lun wíchuguni uganu le tídanbei Bíbülia houn.