WABAGARI KEISI KRISTIÁNUGU
Buidutimalá wadügüni katei: Áluaha wamaña sun gürigia ha lídanbaña fulasu le ñein lubéi wapurichiha
KA UAGU SÚDINI LUBÉI? Ariñagati Sakaríasi lidan aban profesía hánharuba lan gürigia ha lídangiñetiña sun néchani lun uganu buiti (Sak 8:23). Kábati arufudaha houn? (Rom 10:13-15). Gachansintiwa lun wapurichihani uganu buiti houn sun gürigia ha lídanbaña fulasu le ñein lubéi wapurichiha ani wani buligasion lun wadügüni (od-S páh. 84 pár. 10, 11).
LE LUNBEI WADÜGÜNI
Aranse wamá. Daritiwa san gürigia ha adimurehatiña amu iñeñein? Yusu waméi JW Language lun wapurichihan lun gürigia lidan aban igaburi ménrenguti. Gayaraati giñe wayusuruni wagagamurun o wani konputadora lun warufuduni lun gürigia ida luba lan ladarirun lanwoun ariñahani lidan liñeñe lidan jw.org.
Teni wamá lun sun le geyegubei wau. Anhein wapurichihaña lubéi tidan burí muna, meferidira wamá chansi lun wapurichihan houn gürigia ha ásügürübaña o ha agurabahabaña tidan karü. Anhein wapurichihaña lubéi lidan guririguaü, áfaagua wamá luagu le wabusenrunbei wibihin lidan wapurichihan.
Chubalugu wamá. Sigí wamá áfaagua lun wadariruniña gürigia ha úabaña hábiñe. Áfaagua wamá giñe lun wadimurehan luma aban gürigia tidan kada muna lau wagiribudun amu oura lidan weyu o amu weyu lidan dimaasu. Añahein gürigia gayaraati hadarirúniwa lau wabürühan gárada houn, wáwarun houn luéigiñe gágamuru o dan le wapurichihan ǘmadarugu.
Giribu wamá lau lóufudagun. Bisidaya wamaña gürigia ha arufudubaña busén hamá hasigirun afurendeira. Anhein amu lubéi iñeñein layanuhabei gürigia ligía, áfaagua wamá lun wáluahan somu gürigia le ayanuhabalin liñeñe. Lunti wasigirun bisidei darime ayanuhaaña íbirigu ha ayanuhabalin liñeñe luma (od-S páh. 93, 94 pár. 39, 40).
ARIHA HUMÉI BIDÉU APURICHIHATIWA “CHÜLǗ LUMOUN LIDISE-AGEI FULASU UBOUAGU”, ÁBAMETI HÓUNABUNI ÁLÜGÜDAHANI BURÍ LE:
Ka aransehani hadügübei íbirigu lun hadariruniña gürigia ha awinwandubaña lidan fulasu le díseti? (1 Ko 9:22, 23).
Ka lénrengunga úmabei hadunragua?
Ka abiniruni habihibei?
Ka gayaraabei hadügün lun gíbetima hamá gürigia hadarirun lidan fulasu le ñein lubéi hapurichiha?