Aransehóuatiwa lun wapurichihan houn sun gürigia

Ítara kei meha latouhaniña Heowá ísüraelina lidan binadu dan, aranseha lumutiña giñe lumutuniña uguñe weyu lun hadügüni lugundan. Adügǘwati aransehani tidan burí Beteli, sirkuitu, damuriguaü luma lidan burí sétanu lánina apurichihani le lídanbei sun ubóu lun lapurichihóun uganu buiti houn sun gürigia, íbini houn ha ayanuhabaña amu iñeñein (Aruf 14:6, 7).

Saminañahaadün san hafurendeirun amu iñeñein lun hapurichihani inarüni houn amu? Anhein madaani hubéi lun hafurendeirun amu iñeñein, háfuga gayaraabei hayusuruni JW Language lun hafurendeirun ida luba lan hapurichihan lidan aban igaburi le ménrengunti houn gürigia ha ayanuhabaña amu iñeñein. Danme le hafalaruni adundehani ligía, gúndaabei hasandiragun hungua kei meha kristiánugu ha awinwandubaña lidan furumiñeti sígulu, ha adimurehabaña “luagu luéirigun Bungiu” houn gürigia ha lídangiñetiña amu ageiraü lidan guánarügü hererun (Adü 2:7-11).

LÁRIGIÑE HARIHINI BIDÉU LUMADABÁ HEOWÁ: APURICHIHABÁ LIDAN AMU IÑEÑEIN, ÓUNABA HUMÉI ÁLÜGÜDAHANI BURÍ LE:

• Ka dan ídanbei gayara lan lahuudun JW Language woun?

• Ida liña ligaburi ladügǘn JW Language?

• Ka burí iñeñein ayanuhóubei lidan fulasu le ñein lubéi wapurichiha?

• Ka lunbei wadügüni anhein arufuda aban gürigia le ayanuhabei amu iñeñein busén lan lasigirun afurendeira luagu uganu buiti luáguti Larúeihan Bungiu? (od-S páh. 100 pár. 39-41).