Le gayaraabei wariñaguni tuagu garüdia

Garüdia Atalaya 1 lidan widü-hati

“Ma inarüni lounwen lan somu waduhe o wamada ábanbei lídangiñe sügǘ le gáritimabei woun lidan wabagari? [Ígira humá lun lóunabun gürigia.] Ariha huméi füramasei gíchigaditi dǘgüdaguaü le ladügübei Bungiu woun. [Aliiha huméi Arufudúni 21:3, 4.] Rutu Bíbülia emenigini woun luagu lachülürüba lan dan lunya habagaridun waduheñu hama wamadagu ha hilaguaañabaña. Afuranguagüda tumuti garüdia to ka lan uagu gayara lubéi wachoururuni lagunfuliruba lan füramasei le.”

Aganba huméi Bungiu ábame hawinwandun lun súnwandan

“Gíbetiña gürigia álügüdagutiña houngua anhein aganba lubalin funa Bungiu afurieiduni. Afiñetün san óunaba lani Bungiu wafurieidun? [Aliiha huméi 1 Féduru 3:12, ani dará humóun garüdia lidan páhina 24. Aliiha huméi liri leksióun le ñeinbei ani amuriaha humá luma gürigia lun laliihani párafu 1.] Dánmeya nagiribudun amu weyu, hínsiñeti hamuga nun narufudahani hun ka burí lan katei gayaraabei wamuriahani luma Bungiu dan le wafurieidun.” Ariñaga humá lun hagiribuduba lan akutihei ariñahani le lídanbei páhina 25 tidan garüdia ani houcha humá hagumeserun aban aturiahani tídangiñeti Bíbülia.