Íderagua lumutiña apurichihani lidan guririguaü gürigia lidan sun ubóu

Según kapítulu 5 tidan líburu Adügaü, apurichiha hamuti meha kristiánugu ha awinwandubaña lidan furumiñeti sígulu uganu buiti le lánina Larúeihan Bungiu ténpulurugu, aban fulasu le ñein lubéi hachülüra saragu gürigia (Adü 5:19-21, 42). Uguñe weyu, ibihúaali saragu buiti lídangiñe apurichihani lidan guririguaü lau tarufudaagüle agumeiraguagüdüni le gabalabalati.

ARIHA HUMÉI BIDÉU ÍDERAGUA LUMUTIÑA APURICHIHANI LIDAN GURIRIGUAÜ GÜRIGIA LIDAN SUN UBÓU, LÁRIGIÑE, ÁBAME HÓUNABUNI ÁLÜGÜDAHANI BURÍ LE:

• 

  Ídabuga lagumeserúa apurichihani lau tarufudaagüle agumeiraguagüdüni le gabalabalati ani ida liña meha ladügǘn?

• Ka uagu buídutima lubéi lapurichihóun lau tarufudaagüle agumeiraguagüdüni le gabalabalati sügǘ lau layusurún dábula?

• Ka larufudahabei tani Mi Jung You hénpulu woun?

• Ida liña larufuduni lani Jacob Salomé hénpulu ibihúa lan saragu buiti lídangiñe lapurichihóun lau tarufudaagüle agumeiraguagüdüni le gabalabalati?

• Ida liña larufuduni tani Annies luma tani weiriei hénpulu woun súdini lan lun chubalugu wamá dan le wapurichihan lau tarufudaagüle agumeiraguagüdüni le gabalabalati?