Íderagua humaña hani aturiahatiña abasiiha lidoun adamuridaguni

Adamuridaguni aban lídangiñe fánreinti lánina wáhuduragun lun Heowá (Sal 22:22). Sun ha óundaragubaña lun háhuduragun lun Heowá gúndaatiña ani ibihatiña saragu abiniruni (Sal 65:4). Awansetiña aturiahatiña Bíbülia lau lóufudagun dan le mígirun hamani hadamuridagun.

Ida luba híderaguniña aturiahatiña lun gayara lan hadamuridagun? Sigí humá agunbirahaña. Arufuda huméi bidéu Ka adügǘbei lidan wadamuridagun? houn ani afuranguagüda huméi ka lan uagu buidu lubéi (lff arufudahani 10). Gayaraati hariñaguni houn ka lan hafurendeirubei lídangiñe ani gayaraati giñe bariñaguni houn kaba lan hakutihan lidan leweñegua adamuridaguni. Ru humá aban agumeiraguagüdüni houn aturiahatiña to ayusurúboun. Ani adüga humá somu katei ménrenguti hawagu, kéiburi hanügüniña adamuridagua. Danme le lidin aturiahati adamuridagua luagu furumiñeti wéiyaasu líchuguba fe barǘ lan buiti áfaaguni le hadügübei (1 Ko 14:24, 25).

LÁRIGIÑE HARIHINI BIDÉU ÍDERAGUA HUMAÑA GÜRIGIA HA ÚNBAÑA HÍCHIGA ATURIAHANI LUN HABASIIHAN LIDOUN ADAMURIDAGUNI, ÓUNABA HUMÉI ÁLÜGÜDAHANI BURÍ LE:

• 

  Ka chansi tadarirubei Neta lun tagunbirahanu Nirisin adamuridagua?

• 

  Ka uagu gunda wabéi dan le lidin aturiahati tídangiñeti Bíbülia adamuridagua?

• 

  Ida liña tasandiragun Nirisin tungua dan le tídinbei luagu furumiñeti wéiyaasu adamuridagua?