Aranseñu hiña san lubá danme hadügün gürigia chagaguaü?

Éibume layarafadun lagumuchagüle ubóu le, gíbetimabei chagaguaü, wuribu luma wuribani (Aruf 6:4). Ka lunbei wadügüni anhein busén wabéi aranseñu wamá lubá sügǘ kei le?

• Aranse humá lun úaraguameme humá lun Bungiu. Samina humá luagun adundehani luma abahüdaguni tídangiñeti Bíbülia le gayaraabei lederebudagüdüni hafiñen luagu Heowá luma tuagu lóundarun, le lunbei líderagunün lun mádaragun humá hungua lidoun katei le lánina ubóu (Ari 12:5; jr-S páh. 125, 126 pár. 23, 24). Adüga humá umadaguaü derebuguti lidan damuriguaü (1 Fe 4:7, 8).

• Aranse humá lau le hemegeirubei. Kipu humá éigini húmagua ani aranse huguyame aban fulasu húbiñe lun haramudagun ñein. Samina humá giñe haliñounba lan hanuraha anhein mosu lubéi háfuridun húbiñegiñe. Ariha huméi ka lan húmabei tidan mochila to haranseruboun lubá lidaani lénrengunga, mabulieida huméi habuachun seinsu, lidáü higibu, gan o katei líbeina lira tidoun. Kipu huméi linumerun hagagamurun wéiyaaña lidan afiñeni húmagua ani chouru huméi anihein lan giñe linumerun higagamurun hama (Isa 32:2; g17.5-S páh. 3-7).

Lidan hachagaraguña lan gürigia, sigí humá áhuduragua lun Heowá (Fili 1:10). Máfurida humá húbiñegiñe, ánheingubeirügü mégeiwa lubéi (Mt 10:16). Afanreinha humá lídangiñe húmati houn amu (Rom 12:13).

LÁRIGIÑE HARIHINI BIDÉU ARANSEÑU HIÑA SAN LUBÁ SOMU HÁRABAGANALI HERIGINI O KATEI LÍBEINA LIRA?, ÓUNABA HUMÉI ÁLÜGÜDAHANI BURÍ LE:

• Ida liña líderaguniwa Heowá lidan lidaani lénrengunga?

• Ka gayaraabei wadügüni lun aranseñu wamá?

• Ida luba wíderaguniña amu?