Aranseñu wamá lidan lagumuchagüle “lagumuhóun dan”

Eibu dan ebelureina wamá lidoun lagumuchagüle “lagumuhóun dan” aganwoundeina luba turobuli (2 Ti 3:1; Mt 24:8). Súnwandan heresibirun lumutuniña Heowá adundehani le gayaraabei líderaguniña esefurei habagari dan le liábingua lanarime burí liñawan dan. Ánhawa gaganbadi ani aranse wagía guentó dandu lidan wamadagua luma Bungiu gayaraabei wesefurun danme le liabin somu lanarime liñawan dan (Lk 16:10).

• Aranseñu wamá lidan wamadagua luma Bungiu. Hechu humá aliihoun Bíbülia luma lun haturiahanu hábuguarügü. Apurichiha humá lidan ámuñegueinarügü igaburi. Manufudeda humá anhein siñá lubéi herederun yarafa houn íbirigu ha lílana damuriguaü (Isa 30:15). Aritagua huméi luagu anihein lan Heowá luma Hesusu harugabu súnwandan (od-S 175, 176 pár. 15-17).

• Aranseñu humá. Amu tuéi mochila to lunboun hanügünün danme le lachülürün dan lun háfuridun éibaagueina húbiñegiñe, kada muna lunti hareidahan éigini, duna, árani luma ámuya katei le buídurügübei houn tílana haban luéidügü lunti lanme herederun húbiñe luagu saragu dan (Ari. 22:3; g17.5-S 4, 6).

LÁRIGIÑE HARIHINI BIDÉU ARANSEÑU HIÑA SAN LUBÁ SOMU HÁRABAGANALI HERIGINI O KATEI LÍBEINA LIRA?, ÓUNABA HUMÉI ÁLÜGÜDAHANI BURÍ LE:

• Ida liña aranseñu wamá lidan wamadagua luma Heowá danme le lasuseredun somu hárabaganali, herigini o katei líbeina lira?

• Ka uagu buidu lubéi...

  • ... lun gayanuhadi wamá hama wéiyaaña lidan afiñeni?

  • ... lun waranserun aban mochila lubá dan hénrenguti?

  • ... lun wayanuhan luagu ámuñegueinarügü katei le gayaraabei lasuseredun luma kaba lan wadüga lidan kada kesi?

• Ka ǘrüwa igaburi gayaraabei wadügüni lun wíderaguniña ha ásügürübaña lídangiñe somu hárabaganali, herigini o katei líbeina lira?

ÁLÜGÜDAGUA HUMÁ HUNGUA: “Ida liña larufudahan sandi le gíribei COVID-19 nun lun aranseñu nan?”.