WABAGARI KEISI KRISTIÁNUGU
Aranseñu hiña san lun hagagibudagun luma maseinsuni?
Ka uagu maweiridun tubéi wanigi dan le warihini anihein lan dan hénrengu lan lun ladarirúniwa seinsu? Ladüga wawinwanduña lidan lagumuhóun dan, ani ariñagatu Bíbülia: lun míchugun wamani wemenigin “luagu irisini machourunti” (1 Ti 6:17; 2 Ti 3:1). Ida liña líderaguniwa lani urúei Hosafátü hénpulu lun aranseñu wamá lun wagagibudagun luma maseinsuni?
Dan le hóudinbei áganiñu ábürüha luagun Hosafátü, afiñeti meha luagu Heowá (2 Kr 20:9-12). Lanwoun ítara, adügaali meha baríeiru lun lóunigiruniña lumutuniña Heowá: adügati giñe lun lederebugudun uburugu ani aransehalaña lisudaranigu (2 Kr 17:1, 2, 12, 13). Wagía sun, buídubei giñe wadüga ánhawa afiñera luagu Heowá luma lun wadügün somu katei lun aranseñu wamá lubaragiñe liabin dan hénrenguti.
LÁRIGIÑE HARIHINI BIDÉU ARANSEÑU HIÑA SAN LUBÁ SOMU HÁRABAGANALI HERIGINI O KATEI LÍBEINA LIRA?, ÓUNABA HUMÉI ÁLÜGÜDAHANI BURÍ LE:
Ida luba aranseñu humá lubaragiñe lasuseredun somu lénrengunga sódini?
Ida luba haranserun lun híderaguniña amu?