Aranseñu hiña san?

Lun hamuga lasuseredun somu hárabaganali, herigini, águduni o fuludu lidan fulasu le ñein lubéi hawinwanda, aranseñu hiña san lubá? Ani lidan furumiñeguarügü fulasu ubouagu, gayaraati hábürühan wuribatiña hawagun saragu gürigia lidan aban, hadaagun chagaguaü luma laburuchagun sandi sódini (Apu 9:11, TNM). Moun lumuti wasaminarun masuseredunbei lan lira lidan fulasu le ñein lubéi wawinwanda.

Mosu laranserun kada aban wádangiñe lubá burí lasuseredun katei ítarati (Ari 22:3). Lau sun ídeha tan lóundarun Heowá dan le lasuseredun turobuli burí le, lani kada aban wádangiñe buligasion laranserun lubá (Gal 6:5).

ARIHA HUMÉI BIDÉU ARANSEÑU HIÑA SAN LUBÁ SOMU HÁRABAGANALI, HERIGINI O KATEI LÍBEINA LIRA?, ÁBAMETI HÓUNABUNI ÁLÜGÜDAHANI BURÍ LE:

• 

  Ida liña lídehan buidu lan wamadagua luma Heowá dan le lasuseredun somu hárabaganali, herigini o katei líbeina lira?

• 

  Ka uagu súdini lubéi...

  • • gayanuhadi wamá hama wéiyaaña lidan afiñeni lubaragiñe, lidan luma lárigiñe lasuseredun somu hárabaganali, herigini o katei líbeina lira?

  • • lun waranserun aban búndili lubá dan hénrenguti? (g17.5-S páh. 6).

  • • lun wayanuhan luagu ámuñegueinarügü katei le gayaraabei lasuseredun luma kaba lan wadüga lidan kada kesi?

• 

  Ka ǘrüwa katei gayaraabei wadügüni lun wíderaguniña ha ásügürübaña lídangiñe somu hárabaganali, herigini o katei líbeina lira?