Buidutimalá wadügüni katei: Apurichiha humá luéigiñe gágamuru

KA UAGU SÚDINI LUBÉI? Huuti apurichihani luéigiñe gágamuru lun wapurichihani uganu buiti “lau ugundani darí lumoun lagumuhóun” (Adü 20:24).a Ídehati lun wapurichihan lun aban gürigia dan le adüga lan somu sügǘ lun siñá lan wabisidahani lúbiñe.

LE LUNBEI LADÜGǗNIWA:

• 

  Aranse humá. Anúadaha humá aban ariñahani le gadünamati lun hayanuhan luagu. Ábameti habürüdüni le hasaminarubei hariñagun. Gayaraati giñe habürüdüni kaba lan hamuga hóunaba lun hafuranguagüdüni lébuna hagúarun, luéidügü tóunabunün máhina. Buídubei giñe lun hakipuruni ubanaü le ñein lubéi habürüdei le hasaminarubei hariñagun luagu dábula luma burí amu katei le gayaraabei hemegeiruni, kéiburi aban konputadora le ñein lumuti hunren liña lan JW Library^® o jw.org^®.

• 

  Darangilu humá. Ayanuha humá kei ligaburi hayanuhan. Hayá humá ani óusera humá kamá hamuga anihán gürigia higibugiñe. Mararamagua humá anhein ua lubéi mégeiwa lan. Buídubei giñe lun hapurichihan hama amu. Anhein adüga gürigia somu álügüdahani hun, águyuguagüda huméi lau umalali héreti lun líderagunün hupaaná adarirei óunabagülei.

• 

  Ígira huméi bena hunren lubaaya hadügüni bisida. Anhein arufuda gürigia busén lan lasigirun afurendeira, adüga humá aban álügüdahani lun ani ariñaga huguyame lun hakutihabei lan lóunabagüle dánmeya hagúarun lun. Gayaraati hariñagun lun hóunahaba lan aban agumeiraguagüdüni lun luéigiñe koréu, luéigiñe Internet o híchuguboun lan lun hungua. Gayaraabei giñe hóunahan aban bidéu o somu arütíkulu lun luéigiñe gágamuru o luéigiñe koréu lidan Internet. Anhein hariha buídubei lan hadügüni, agunbiraha huméi ariha somu ariñahani lidan wani páhina lidan Internet.