Adundehani lun aturiahani

Dasi burí houn irahüñü

Agübürigu, gadasinbalin dasi súdiniti le lun harufudahan houn hasaanigu luagu Heowá (Efe. 6:4). Lun híderawagun agübürigu agunfulira lau dasi le, sagaaru lóundarun Heowá saragu ámuñegueinarügü ariñahani. Ida luba hasagarun agübürigu buiti lídangiñe?

• Ariha huméi ariñahani le wámabei. Lidan jw.org hadarirubei ariñahani le áfuridubei houn irahüñü luma le áfuridubei houn nibureintiña, íbini bidéu luma ubanaü lun ladügǘn dasi.a Lun gayara lan hadariruni ariñahani le, belú humá lidoun “Le tarufudahabei Lererun Bungiu” ani lárigiñe belú humá lidoun “Irahüñü” o “Nibureintiña”.

• Anúadira huméi ariñahani le gayaraabei lahuudun hun. Lidan fánreinti “Irahüñü”, gayaraati hanúadirun dasi burí hounti irahüñü le hasubudirun lahuudun lan lun hisaani. Hadariruba fiu hénpulu, áluaha huméi lidan fánreinti le gíribei “Ideas para la adoración en familia”.

• Ayanuha humá lun hisaani luagu ariñahani le. Mayusura huméi bidéu ni burí dasi le lúnrügü lásügürün hisaani dan. Yusu huméi burí ariñahani le luma hisaani ani íderagua huméi lun gamadagua lan luma Heowá.