KA TARUFUDAHABEI BÍBÜLIA?
Ka asuseredubei woun dan le wounwen?
AÑAHEIN SAMINATIÑA sigí wamá awinwanda lidan amu fulasu, añahein amu, saminatiña lidan lan óunweni lagumucha sun katei. Agia huguya, ka hisaminanbei?
LE TARUFUDAHABEI BÍBÜLIA
“Ha hilaañabaña ibidiñeti ni kata houn” (Apurichihati 9:5). Dan le lounwen gürigia ñein lébeda libagari.
KA AMU KATEI TARUFUDAHABEI BÍBÜLIA?
Ariñagatu dan le lan lóunwenbei Adán, le furumiñeti wügüri, ábaya lan lasaliragun múame (Agumesehani 2:7; 3:19). Ítarameme, sun le óunweti saliguati múame (Apurichihati 3:19, 20).
Dan le lounwen gürigia, feruduna lumuti Bungiu lifigoun (Rómana 6:7). Lárigiñe lounwen, meresibirúnhali amu abeichúni.
Gayaraati san habagaridunya hilaaña?
KABA HAMUGA HÓUNABA?
Anha
Uá
Háfuga
LE TARUFUDAHABEI BÍBÜLIA
“Lásaaragüdübaña [...] hilaaña” (Adügaü 24:15).
KA AMU KATEI TARUFUDAHABEI BÍBÜLIA?
Anihein burí dan, tagoubadaguagüdüni Bíbülia óunweni luma arumuguni (Huan 11:11-14). Gayaraati “lásaaragüdüniña” Bungiu hilaaña ítara kei gayara lan wagagudahan aban gürigia le arumuguti (Job 14:13-15, TNM).
Tidan Bíbülia, daritiwa abahüdaguni hawaguti gürigia ha meha águyugubaña le achoururagüdübalin woun háguyuguba lan hilaaña (1 Urúeigu 17:17-24; Lúkasi 7:11-17; Huan 11:39-44).