Le gayarabei wariñaguni tuagu garüdia

Gumese wamá aturiahani tídangiñe Bíbülia lidan furumiñeti samudi lidan duusu-hati

“Ma inarüni hínsiñebei lan hamuga houn hibe-agei gürigia lun larúeihaniwa aban arúeihani le buiti? Kaba funa san luwuyeri arúeihani agumucha lau sun turóbuli le ubouagubei? Ka hisaminanbei? [Ígira humá lun hóunabun gürigia.] Ariha huméi le bürüwañubei ya”. Ru humá aban Garüdia Atalaya to lánina 1 lidan duusu-hati houn ani akutiha huméi furumiñeti puntu le lídanbei páhina 10 hama, ani aliiha humá íbini aban lídangiñe bérusu burí le ñeinbei. Ígira humóun garüdia ani ariñaga humá houn hagiribuduba lan amu weyu lun hakutihani lóunabagüle álügüdahani le asigirubei.

Garüdia Atalaya 1 lidan duusu-hati

“Ánhadün hamuga gachansin lun hadügün aban álügüdahani lun Bungiu, kaba hamuga álügüdahani hadüga? [Ígira humá lun hóunabun gürigia.] Hesusu guánarügü ariñagubei woun lun wasigirun áluaha óunabagülei lun burí álügüdahani le wadügübei wóuniwagua [aliiha huméi Matéu 7:7]. Tidan garüdia to hadarirubei óunabagülei le tíchugubei Bíbülia lun ǘrüwa álügüdahani burí le.” Arufuda huméi álügüdahani burí le áfuachubei ǘnabu lidan páhina 3.

¡Despertad! Duusu-hati

“Uguñe weyu, buin haña gürigia lau idiheri ani genegeti ménrenguntima lan houn heferidiruni haguraasun. Ariha humaali san luagu ítara liña lan? [Ígira humá lun hóunabun gürigia.] Le linarün katei, añahein gürigia afiñetiña wawinwanduña lan lidan dan hénrenguti le uágubei tadimureha Bíbülia lidan profesía le lídanbei 2 Timotéu 3:1 [aliiha huméi]. Afuranguagüda tumuti garüdia to ka lan uagu dencha lubéi heferidiruni gürigia haguraasun ani rutu fiú adundehani lun wasubudiruni ka lan lunbei wadügüni lun gaguraasun wamá.”