¿Achike ri Rajawaren o ru-Reino ri Dios?

RI LOQʼOLÄJ WUJ NUBʼIJ:

«Ri Dios xtoruyaʼ qa jun qʼatbʼäl tzij [o ajawaren] [...] ri man jun xtwulan richin» (Daniel 2:44, La Biblia en Kaqchikel Central, chojmirisan kitzʼibʼaxik).

«Xtyaʼöx pe jun akʼwal richin xtoʼaläx qa [...]. Xtyaʼöx pe qʼatbʼäl tzij pa ruqʼaʼ» (Isaías 9:6).

RI UTZIL NUKʼÄM PE RI NAWETAMAJ

• Ri Ruqʼatbʼäl Tzij ri Dios pa ruchojmil xtubʼän chi re ronojel chuqaʼ xkojrutoʼ chi qajujunal (Isaías 48:17, 18).

• Xa bʼaʼ chik apo, ri Ruqʼatbʼäl Tzij ri Dios xtubʼän chi xkojkikot chuwäch jun kʼakʼaʼ kʼaslem akuchi majun chik yabʼil ta (Apocalipsis 21:3, 4).

¿ACHIKE RUMA ÜTZ NQANIMAJ RI NUBʼIJ RI LOQʼOLÄJ WUJ?

Kʼo kaʼiʼ ruma:

• Ri Jesús xuyaʼ jun tzʼetbʼäl chi rij ri xtubʼän ri Rajawaren ri Dios. Rijaʼ xukʼüt chi kiwäch ri rutzeqelibʼey chi tkikʼutuj chi re ri Dios chi tpe ri Rajawaren chuqaʼ chi tbʼanatäj ri rurayibʼal chi ruwachʼulew (Mateo 6:9, 10). Chuqaʼ xuyaʼ jun tzʼetbʼäl chi rij ri rubʼanik xtbʼanatäj ri nkikʼutuj.

  Toq ri Jesús xkʼojeʼ chi ruwachʼulew xerutzüq winäq, xerukʼachojrisaj yawaʼiʼ chuqaʼ xerukʼasoj kaminaqiʼ (Mateo 15:29-38; Juan 11:38-44). Ruma ja ri Jesús ri chaʼon richin xtok Ruqʼatöy Tzij ri Rajawaren ri Dios, xtikïr xuyaʼ jun tzʼetbʼäl chi rij ronojel ri xtubʼän ri Rajawaren ri Dios pa kiwiʼ ri winäq (Apocalipsis 11:15).

• Ronojel ri nbʼanatäj wakami, nubʼij chi ri Ruqʼatbʼäl Tzij ri Dios naqaj chik kʼo. Ri Jesús xubʼij chi toq ri Ruqʼatbʼäl Tzij ri Dios xtukʼäm yan pe ri uxlanibʼäl kʼuʼx, janila wayijal, kabʼraqän chuqaʼ oyowal yebʼanatäj ri chi ruwachʼulew (Mateo 24:3, 7).

  Wakami, najin nqatzʼët ronojel ri kʼayewal riʼ. Ruma kʼa riʼ, xa bʼaʼ chik apo, ri Ruqʼatbʼäl Tzij ri Dios xtukʼïs ruwäch ronojel ri tijoj poqonal.