Qʼopojiʼ kʼojolaʼ, tiʼij chkë iteʼ itataʼ achkë qäs ninaʼ

¿Achkë komä rma kʼo chë naʼij chkë ateʼ atataʼ ri naquʼ? (Pr 23:26). Rma Jehová pa kiqʼaʼ ryeʼ ruyaʼon wä qa rchë yatkichajij chqä yatkitoʼ rchë ütz yabʼä pan akʼaslemal (Sl 127:3, 4). We ma naʼij ta chkë achkë kʼayewal awlon o achkë riʼ ri kan kʼo ruqʼij chawäch rït, ryeʼ más kʼayewal xtuʼän chkiwäch xkatkitoʼ. Y ma xa xuʼ ta riʼ, rït xa kan majun ta xtatamaj qa chrij ri naʼoj kʼo kikʼë. Ye kʼa, ¿kan nkʼatzin komä chë naʼij jontir chkë ateʼ atataʼ? Ma kan ta ke riʼ, xa xuʼ ma tawewaj ta chkiwäch jun ri kʼo ta chë nkitamaj ryeʼ (Pr 3:32).

¿Achkë xkatoʼö rchë xkatzjon kikʼë ateʼ atataʼ? Tatzʼetaʼ ajän ütz yatzjon kikʼë. Chqä ütz tatzʼibʼaj jun carta che rä ateʼ o che rä atataʼ ri akuchï naʼij wä che rä achkë qäs nanaʼ. Ye kʼa, ¿achkë ütz naʼän we ryeʼ kʼo jun nkajoʼ nkitzjoj chawä, ye kʼa rït ma nawajoʼ ta yatzjon chrij riʼ? Ma tamestaj ta chë ateʼ atataʼ nkajoʼ yatkitoʼ, y chë ryeʼ ma ye akʼulel ta. Jontir ri xtaʼän rchë naʼij chkë ri kʼo pan awan xkaturtoʼ chpan akʼaslemal komä chqä chqawäch apü (Pr 4:10-12).

TAQ XATZʼËT YÄN RI VIDEO TAQ YÏT ADOLESCENTE: ¿ACHKË XKATOʼÖ RCHË XKATZJON KIKʼË ATEʼ ATATAʼ?, KEʼAQʼALAJSAJ RE KʼUTUNÏK REʼ:

• 

  ¿Achkë nkiʼij ya Esther chqä Partik chë xbʼanatäj kikʼë?

• 

  ¿Achkë natamaj rït chrij Jesús?

• 

  ¿Achkë rubʼanik kikʼutun ateʼ atataʼ chawäch chë kowan yatkajoʼ?

• 

  ¿Achkë naʼoj ye kʼo chpan le Biblia ri xkatkitoʼ rchë xkatzjon kikʼë ateʼ atataʼ?