Ri xtqatzʼët chpan ri peraj 6

Ri israelitas xeʼapon chwäch ri ilew ri tzjun chkë chqä nkiyaʼ wä rqʼij Jehová chpan ri tabernáculo. Ri sacerdotes nkikʼüt wä rLey Jehová y ri jueces nkikʼwaj wä bʼey chwäch ri tinamït. Re peraj reʼ nukʼüt chë ri nuʼän jun winäq kʼo ütz o kʼo ma ütz ta nukʼäm pä pa kiwiʼ ri nkʼaj chik. Chkijujnal ri israelitas nkʼatzin wä majun bʼëy nkiyaʼ ta qa Jehová nixta kiwinaq. Takʼutuʼ chkiwäch ri akʼalaʼ ri ütz xkiʼän Débora, Noemí, Josué, Ana, ri rmiʼal Jefté chqä Samuel chpan kitinamit. Takʼutuʼ chqä chkiwäch chë yajün ri ma ye israelitas ta, achiʼel Rahab, Rut, Jael chqä ri gabaonitas jnan xuʼän kiwäch kikʼë ri israelitas rma kitaman wä chë Dios kʼo kikʼë.