Q-OK UTZILÄJ TAQ TIJONELAʼ | TANAʼ MÁS KIʼKʼUXLAL TAQ NATZJOJ LE BIBLIA
Takʼutuʼ chkiwäch atijoxelaʼ achkë rubʼanik nkikowirsaj ri kikʼuqbʼäl kʼuʼx
Rchë chë ri tijoxelaʼ nkitamaj ruwäch Jehová chqä nkʼuqeʼ pä kikʼuʼx pa ruchʼaʼäl, ryeʼ nkʼatzin nkikowirsaj ri kikʼuqbʼäl kʼuʼx y ma xa xuʼ ta yekanaj qa rkʼë ri naʼoj nukʼüt kitijonel chkiwäch (Mt 5:3; Heb 5:12–6:2).
Kan chkipan ri naʼäy taq tjonïk, takʼutuʼ chkiwäch atijoxelaʼ achkë rubʼanik nkitjoj apü kiʼ chrij ri tjonïk, chqä taʼij chkë chë tkibʼanaʼ riʼ (mwb18.03-S 6). Taʼij chkë chë kowan ruqʼij chë yechʼö rkʼë Jehová taq nkitjoj kiʼ chrij le Biblia pa kiyonïl. Keʼatoʼ rchë nkiksaj ri samajbʼäl ye kʼo pa Internet o pa dispositivos electrónicos rchë nkitjoj kiʼ. Takʼutuʼ chkiwäch achkë rubʼanik nkitzʼët achkë kʼakʼakʼ taq naʼoj yeyaʼon pä chpan jw.org y JW Broadcasting®. Keʼatjoj rchë nkiskʼij ruwäch le Biblia ronojel qʼij, rchë nkitjoj kiʼ chkij ri qamoloj chqä rchë nkïl kiqʼalajsaxik ri kʼutunïk. Taʼij chkë chë tkiquʼ rij ri naʼoj nkitamaj.
TAQ XATZʼËT YÄN RI VIDEO KEQATOʼ RI WINÄQ RI NAJIN YEQATJOJ CHRIJ LE BIBLIA RCHË NKIKOWIRSAJ RI KIKʼUQBʼÄL KʼUʼX, KEʼAQʼALAJSAJ RE KʼUTUNÏK REʼ:
¿Achkë rubʼanik xtoʼöx ya Rubí rma ya Rita rchë xqʼax pa rujolon chë ri natjoj awiʼ ma xa xuʼ ta ntel chë tzij nakanuj kiqʼalajsaxik ri kʼutunïk?
¿Achkë xtoʼö ya Rubí rchë xqʼax chwäch chë Jehová kan kʼo rma ma nuyaʼ ta qʼij chë yeqaʼän tzʼil taq bʼanobʼäl?
Takʼutuʼ chkiwäch atijoxelaʼ achkë xketoʼö rchë nqʼax pa kijolon ri naʼoj najin nkinukʼuj ruwäch chqä rchë nkismajij.
¿Achkë xqʼax chwäch ya Rubí chrij ri ntel chë tzij naquʼ rij jun naʼoj?