¿Ye achkë awachiʼil rït pa internet?

Taq kaʼiʼ winäq kichiʼil kiʼ, kan nkajoʼ kiʼ. David y Jonatán xeʼok kichiʼil kiʼ taq David xkamsaj Goliat (1Sa 18:1). David xtzʼët ri ütz taq naʼoj kʼo rkʼë Jonatán, y kan ke riʼ chqä xuʼän Jonatán. Ya riʼ xuʼän chë más kuw xuʼän kachbʼilanïk. Reʼ nukʼüt chqawäch chë we nqajoʼ chë jun winäq ntok jun utziläj qachiʼil, nkʼatzin nqatamaj achkë qäs runaʼoj. Reʼ nukʼwaj tiempo. Ye kʼa pa redes sociales xa xuʼ rkʼë jun clic yeʼawïl winäq ri nkiʼij chë ye awachiʼil. Pa internet kan chaq bʼaʼ nuʼän chwäch jun winäq nrewaj achkë riʼ ryä, rma kʼïy mul nkiyaʼ xa xuʼ ri nkajoʼ chë nkitzʼët ri nkʼaj chik. Rma riʼ, ütz natzʼët na naʼäy achkë yeʼok awachiʼil pa internet. Ma taxiʼij ta awiʼ we ma nakʼän ta ru-solicitud jun winäq ri ma kan ta ataman ruwäch xa rma naquʼ rït chë xtpë ruyowal chawä. Rma kʼïy mul kʼo kʼayewal nukʼäm pä, ye kʼo jojun majun ta jun ki-red social. Ye kʼa, we rït najin yeʼaksaj, ¿achkë ütz naquʼ rij?

TAQ XATZʼËT YÄN RI VIDEO TAQ NAKSAJ RI REDES, MA NATZAQ KʼA CHPAN, KEʼAQʼALAJSAJ RE KʼUTUNÏK REʼ:

• 

  ¿Achkë ütz naquʼ na rij naʼäy taq nawajoʼ najtobʼaʼ fotos o natzʼibʼaj äl comentarios pa redes sociales?

• 

  ¿Achkë rma kowan rejqalen nachaʼ na achkë yeʼok awachiʼil pa internet?

• 

  ¿Achkë rma nkʼatzin natzʼët jaruʼ tiempo naksaj ri redes sociales? (Ef 5:15, 16).