¿Achʼobʼon chik achkë xtaʼän chpan ruqʼijul ri Runataxik Rukamik Jesús?

Ronojel junaʼ, ri rusamajelaʼ Jehová kan nkiyoʼej ri qʼij taq nnatäx rukamik Jesús. Jojun semanas taq majanä tbʼan ri moloj riʼ chqä taq ya xqʼax yän, röj nqakanuj rubʼanik rchë nqatyoxij che rä rma xyaʼ pä Rukʼajol rchë nqrköl chwäch ri mak (Ef 1:3, 7). Jun chkë ri rubʼanik riʼ ya riʼ yeqaʼän invitar ri nkʼaj chik rchë yeʼapon chpan ri moloj riʼ. Y jojun qachʼalal nkijäm kiwäch rchë nkiʼän 30 o 50 horas chpan ri precursorado auxiliar chkipan ri ikʼ marzo o abril. ¿Achkë ütz naʼän we nawajoʼ natzjoj más le Biblia chkipan re ikʼ reʼ?

We xtachʼöbʼ yän ri nawajoʼ naʼän, kan ütz xttel apü chawäch (Pr 21:5). Rma Runataxik Rukamik Jesús xa naqaj chik kʼo pä, kan komä ütz tachʼobʼoʼ rij achkë nawajoʼ naʼän chpan ri tiempo riʼ. Chqä taquʼ rij achkë nkʼatzin naʼän rchë xkakowin xtaʼän riʼ. Chrij riʼ, taʼij che rä Jehová chë katurtoʼ rchë jontir ütz ntel apü chawäch (1Jn 5:14, 15).

¿Yepë nkʼaj chik rubʼanik pan ajolon rchë naʼän más chpan rusamaj Jehová chpan ruqʼijul Runataxik Rukamik Jesús?