Ri winäq ri yechʼobʼon achiʼel Jehová kan yë ri ütz nkichaʼ nkiʼän

Taskʼij Génesis 25:29-34 rchë natzʼët we Esaú chqä Jacob xkichaʼ xkiʼän ri ütz o manä.

Takanuj más naʼoj chrij riʼ. ¿Achkë xbʼanatäj taq majanä wä tbʼanatäj ya riʼ? (Gén. 25:20-28). ¿Achkë xbʼanatäj chrij riʼ? (Gén. 27:1-46).

Takanuj jojun chik naʼoj. Chpan ri tiempo riʼ, ¿achkë wä taqäl chrij nukʼül ri naʼäy winäq chpan jun familia chqä achkë wä samaj kʼo pa ruqʼaʼ? (Gén. 18:18, 19; w10-S 1/5 13).

• Jontir ri xeʼok ratiʼt rumamaʼ ri Mesías, ¿yë ryeʼ ri naʼäy taq winäq chpan kifamilia? (w17.12-S 14, 15).

Taquʼ kij ri naʼoj natamaj qa y achkë rubʼanik xtasmajij. ¿Achkë rma Jacob xloqʼoqʼej más chwäch Esaú ri nukʼül wä ri naʼäy winäq chpan jun familia? (Heb. 12:16, 17; w03-S 15/10 28, 29). ¿Achkë xnaʼ Jehová chrij Jacob chqä chrij Esaú, y achkë rma? (Mal. 1:2, 3). ¿Achkë ta xkʼatzin xuʼän Esaú rchë yë ta ri ütz xchaʼ xuʼän?

• Taquʼ rij re kʼutunïk reʼ: «Taq xtinquʼ rij ri xtinbʼän chpan re semana reʼ, ¿achkë rubʼanik nkʼüt chë nloqʼoqʼej ruyaʼik ruqʼij Jehová, achiʼel ri qʼij taq nyaʼ ruqʼij ryä rkʼë nfamilia?».