¿Najin chik naʼän rubʼanik jontir rchë nqanataj rukamik Jesús?

Ri rukʼisbʼäl Pascua xnmaqʼijuj Jesús kan kowan wä rejqalen. Ryä xa jbʼaʼ wä chik nrajoʼ rchë nkamsäx, rma riʼ xrajoʼ xnmaqʼijuj ri Pascua riʼ kikʼë ru-apóstoles y nuʼij chkë chë komä yë chik rukamik xtkinataj. Rma riʼ xuʼij che rä Pedro chqä Juan chë tkiyaʼ jontir ri nkʼatzin chpan ri jay akuchï xtkiʼän wä ri Pascua (Lu 22:7-13; tatzʼetaʼ ri achbʼäl ri kʼo pä chwäch re wuj reʼ). Riʼ nunataj chqë chë nkʼatzin nqaʼän rubʼanik jontir rchë xtqanataj rukamik Jesús ri 27 de marzo. Ri congregaciones rkʼë jbʼaʼ ya kichaʼon chik achkë qachʼalal xtyaʼö ri tzijonem, achkë xkebʼanö ri kaxlanwäy o rkʼë jbʼaʼ xkikanuj yän ri vino o xa bʼa achkë chik na jun ri nkʼatzin nbʼan. Ye kʼa, ¿achkë ütz nqaʼän apü chqajujnal loman napon ri qʼij riʼ?

Tqatjoj apü qan. Qchʼobʼon chrij ruskʼixik ruwäch le Biblia chpan ri semana ri xtqanataj rukamik Jesús. Rchë riʼ xtqïl jun programa chpan ri wuj Tqanukʼuj ruwäch le Biblia ronojel qʼij. Kʼo chqä jun programa chpan ri apéndice B12-A chqä B12-B chpan La Biblia. Traducción del Nuevo Mundo y chpan ri Wuj rchë ri qamoloj rchë abril, 2020. We nawajoʼ natjoj awiʼ rkʼë a-familia chrij ri achkë rma Jesús xyaʼ rukʼaslemal pa kamïk, xtawïl más naʼoj chpan ri Índice de las publicaciones Watch Tower y chpan ri Guía de estudio para los testigos de Jehová.

Keqabʼanaʼ invitar nkʼaj chik. Tqayaʼ qan chrij kijachik ri invitaciones rchë ri moloj chrij Runataxik Rukamik Jesús. ¿Achkë winäq ütz yeqaʼän invitar? Rkʼë jbʼaʼ ütz yeqaʼän invitar ri winäq ri najin nqakamluj kichʼbʼexik, ri xqayaʼ kitjonik ojer, ri qa-familiares chqä ri winäq ri qataman kiwäch. Ri ukʼwäy ta bʼey kʼo chë yekiʼän invitar ri qachʼalal ri ye kanajnäq qa. Tnatäj chqë chë we nqïl jun winäq ri jukʼan chik kʼo wä rachoch, ütz nqakanuj pa jw.org achkë hora chqä akuchï ütz nbʼä wä ri winäq riʼ rchë xtnataj rukamik Jesús. Katok chpan ri peraj CHQIJ RÖJ y chrij riʼ chpan «Runataxik Rukamik Jesús».

¿Achkë chik más nqkowin nqaʼän loman napon ri qʼij riʼ?