NA’OJ 11

Kan rkʼë kiʼkʼuxlal katzjon

Romanos 12:11

RI NTEL CHË TZIJ: Nayaʼ awan chrij ri natzjoj rchë naʼän chë ri yekʼoxan awchë kan naläx pa kan nkismajij ri nakʼüt chkiwäch.

Naʼäy kʼo chë napon pa awan ri xtatzjoj. Taq xtatjoj awiʼ, taquʼ rij jaruʼ rejqalen ri xtatzjoj. Ütz ütz tatjoj awiʼ chrij ri xtatzjoj rchë ma rkʼë ta kaʼiʼ akʼuʼx xtaqʼalajsaj wä.
Taquʼ kij ri yekʼoxan awchë. Kachʼobʼon chrij ri utzil nukʼäm pä pa kiwiʼ ri winäq ri naʼoj ri natzjoj chkë o ri naskʼij chkiwäch. Taquʼ achkë rubʼanik xtayaʼ ri tzijonem rchë chë ri winäq más nqʼax chkiwäch chqä más nkiloqʼoqʼej ri nakʼüt chkiwäch.
Takʼutuʼ chë nanaʼ ri natzjoj. Tayaʼ awan chrij ri natzjoj. Takʼutuʼ rkʼë ri awachbʼäl ri nanaʼ rchë nqʼalajin chë kantzij ri naʼij, chqä pa rubʼeyal keʼasloj ri aqʼaʼ.

Jalajöj rubʼanik keʼasloj ri aqʼaʼ rchë chë ri winäq ma nikʼo ta kikʼuʼx chawä. Ri awachbʼäl chqä ri rubʼanik yeʼasloj aqʼaʼ kʼo chë nkikʼüt chë kikʼwan kiʼ rkʼë ri naʼij. Tabʼanaʼ chë ri winäq kan nkinaʼ ri kiʼkʼuxlal nanaʼ rït taq yeʼatzjoj ri naʼoj más kejqalen o taq nawajoʼ chë kan nkismajij ri naʼoj riʼ. Ye kʼa, kʼo chë nachajij awiʼ, rma we ronojel mul naʼän riʼ, ri winäq xa xtikʼo kikʼuʼx xkatkikʼoxaj.