Tisempör

Kò-en hòng ngam tarik tö minā-avö aṅ Iti-opiā nö mihôiṅ ngaich nö kē ngam vinôkö? Ngëicha kò-òren: Ṙa-ang Yerūsalem ngam tarik aṅ Iti-opiā “nö vë-ekūötēv.” (Inl. 8:27) Inmeuktö ò nö öt Yahūti, hòṅ lök el ngam talöökö më Yahūti pöri anga-aṅ. Öthō anga-aṅ nö öt haköp inlahen Yāvē nö imat ngam hötṙeh kinlēḵngô, ṙô Heprāi. Hòṅ hēk pöri lohten anga-aṅ nö mikahtökūöre tö ò. Hē Filip nö meukkūö ò nö el talöökö, ngaich holtö chumkūöṙen re anga-aṅ nö vë-ekūö ngam līpöre ök pròfět Isayā. (Inl. 8:28) Hòṅ ṙūöhtö mikah elnang re anga-aṅ nö hēk tö ṙô ngam töhet līpöre. Angū-ö lāinyngen ò nö ngatī rò-òl el talöökö nö löktö Iti-opiā nö chuh Yerūsalem. Hòṅ ò nö ha-önyö Yāvē. Pōyen nun minë kanô-en haköp ngam tarik aṅ Iti-opiā nö in Filip minë töt mikahkūö ò sin tö lā urěh. Haköp inlahen Yēsū anga-aṅ nö Kristū. (Inl. 8:34, 35) Kūö ṙôken ngam hanangenlōn ò pöri tö Yāvē hēk Yēsū inrē, lökten anga-aṅ nö kē ngam tökiröng fësla. Ngaich hòṅ kē ngam vinôkö anga-aṅ, pön hòṅ tömrit Yēsū Kristū. Hē Filip ngaich nö meūkan tö ò nö hòṅ kē ngam vinôkö, vōkan ngaich anga-aṅ. w23.03 pěch 8-9 përa 3-6

Yēḵ hī haṙamlōn Yāvē ngaich ötkô ayī-ö minyôiny-aṅ. (Inch. 6:16, 17) Ōt pöri yip tö ngöṙô tö ngam minyôiny nö öt uroh nö tökiröng nö vanaichö. Asātö mufē re pöri ayī-ö in Yāvē. (Sal. 15:1, 2.) Kô-en, ötkô takô in öi minyôiny, ötkô pöri inrē öi kalūöchtö ngam minyôiny öi in nup tökô-en, tövaich min angū-ö yěi öt keuheūtnyö ṙô re tö nup tökô-en ngaich vaichö ahang ngam hamang ṙô hī. Ötkô ayī-ö öi ṙôtö vinë-eng nang. (Inch. 25:23; 2 Tös. 3:11) Lökten yěm meuk öp töngatī, ngaich um halöngten ò nö iṙūöhöṙô, haṙīngö kahakkö nā më-eṅ tönup tölöng. Havīlöng ayī-ö tö yip tarik tö chōichö litāk. Lökten öi hòṅ höngöre hòṅ hī öt sāta inlahen in cha. Lōnu ang Yāvē tö hī löngö tī kēken e. Yēḵ ò nö meuk inlahen hī ma-anyre havai minë vanë-e re i holre, el fīlt hēk el mīting inrē, ngaich kētö inkôlò hī min anga-aṅ ṙamlōn inrē nö in hī. Yěn ha-eti min ngih tötlēn panam, ngaich hē e min ayī-ö öt kihngen öi kētö nöönyö Yāvē löktö in minë ṙô re öi ṙô-òvö.—Yūt 15. w22.04 pěch 9 përa 18-20

Yē hī öi fēkö inlahen na Yāvē na Yēsū nö hangenlōn tö hī, ngaich hòṅ ngatī inlahen inrē ayī-ö öi hangenlōn tö yip tahëng. (1 Yôh. 4:10) Ngaich yē hī öi ngatī inlahen mufē tö Yēsū nö kēngö nômöre tö pòkūö hī, ngaich hēk nö sīöplöre ngam hanangenlōn hī tö ò. Tölöng inrē ngam inlahen hī yěi ngatī mufē. Ngatī inlahen mufē ök inrē Pôl lökten nö hameuktö minlēḵṙenre töm inlahen Yēsū nö kēngö nômöre. Töi chumkūöṙen in ngam kahūich ò chitri, ngöṙô anga-aṅ, ‘Hangenlōn an ngam kūön ngam Tēv tö chu ngaich kēngö nômöre töpòkūö chu.’ (Kal. 2:20) Löktö in ngam tö kitaknyu mahām Yēsū ang Yāvē nö tūökten hī ngaich vītöre ayī-ö öi hol ò. (Yôh. 6:44) Yē hī öi fēkö inlahen Yāvē nö ngëichken nup tövai tinrīken hī ngaich kēnyö ṙāi hī pön hòṅ hanôlö hī, ngaich sitih mufē më-eṅ? Öt sīöplöre hòng ngam minlēḵṙen meh? Öt hòṅ lōnu hòng më-eṅ töre öm keuheūttö hanangenlōnre tö Yāvē hēk Yēsū inrē? Ngaich yē hī öi hangenlōn tö Yāvē hēk Yēsū, ngaich hòṅ fēkö inlahenre ayī-ö öi sitih inlahen öi hameuktö ngam hanangenlōnre. Kūö hī hangenlōn tö Yāvē hēk tö Yēsū inrē lökten nö angu-ö tö tī-ivö tö hī öi hameuktö hanangenlōnre tö yip tahëng.—2 Kòr. 5:14, 15; 6:1, 2. w23.01 pěch 28 përa 6-7

Löktö im Paipöl ang Yāvē nö hateungngö ngam kuilōnre hòṅ yip tarik ò nö holṙenre nö im linöklōn ò. Ṙōl minë ṙô tökūichhötvö tö Yāvē nö imat ngam Paipöl, höng yip tarik pöri töyāichö ellōn tö mihôiṅ nö akaha elnang tö u. (Lūk. 10:21) Pōyen tarik töngamuh ikūö ngih panam mahaköp mat Paipöl. höng më tö yāichö ellōn tö akaha elnang tö minë ṙô e hēk kēkö kaha minë haköpre inrē aṅmat ngam Paipöl. (2 Kòr. 3:15, 16) Löktö im Paipöl mikahkūö ayī-ö tö ṙôken mikah ngam Tēv hī Yāvē. Rö-ö anga-aṅ nöng haköpten yip tarik töhěngkang chūök nö mūl, pön haköpten hī öi hěng hěngtak, hareuskö alaha hī inrē. Yēḵ hī min öi haköpmat ngam Paipöl, ngaich akahaiṙen ayī-ö tö Yāvē nö chumkūöṙen takô tö hī öi ṙòkhöre. (Isa. 30:21) Āmheuh öm ngaich yěm haköpmat ngam Paipöl ngaich ngö ṙô öm in re, ‘höng lumnööṙö chu ön ngih miröökö nö kūichö?’ Ngamuh inrē pinngangkūö mufē më tö lāku ṙôken tarik aṅ ikūö ngih panam tö inlahen ngam Paipöl. Nö sitih inlahen min ngam tö ha-ehangen kinūichö līpöre nö yöölen tī tö taṙòkhöre tarik töngamuh? Kūö ngam kamūichö e nö mötlö ṙôken mikah tö taṙòkhöre.—2 Tim. 3:16, 17. w23.02 pěch 4-5 përa 8-10

Kirööngen hanangenlōn yin më tökô-en Kristīön tö Yāvē ngaich lōnu cha-a töre nö holtö ellōnre nö löklōn ò. Yēḵ meh pöri hòṅ teūngten ngaich hòṅ vī ngam chö-önyre më-eṅ, tö sā meh hòṅ asīöp minë tövai tinrīken re, haköp minë tahëng inrē heuneū-en hēk minë tö rolkangen inrē inlahen tī hī hayööken më prötör sistör re. Ṙen in hòṅ teūngten in minë tö hòṅ kēkaren la-en pò hī hòṅ haṙamngölōn ngam yöngre Yāvē. Ṙamlōn Yāvē nö meūkkö hī yěi kētö minë heuneū-en re im linöökö lōn ò. Lökten ayī-ö öi hòṅ kē minë chö-öiny re hòṅ hī hayööken më prötör sistör re inrē. (1 Tös. 4:9, 10) In e mikahkūö ayī-ö pòrô öi samyeūheu ṙò-òten i linöökö lōn Yāvē, sön ayī-ö iṙūöhen öi kēken minë la-en tö hòṅ kēkaṙen öi teūngten in u. w22.04 pěch 22 përa 1-2

Minë inyööngö ing panam min nö ha-etngen ngam Tökiröng Pēpilön, minë taṙòkhöre tövaich tinlööken ikūö në panam. Angū-ö min ngih ranulten ngam yöng kanihngen. Yěn ha-etiyö min nup tinlööken, ngaich pōyen hòng min yip tarik töhòṅ ha-öiny ngam Tēv Yāvē? Hö-ö. Kūichiyö ön im Inmeukhömat tö 6 mirulö tö cha min nö hayunngöre nö el kinluhu, tö ngö manah angū-ö, tö cha min nö ṙātö-ellōnre nö in më mahayöng hēk in më mi-inyiha inrē. Öt i rītö ngam inyööngö min cha-a tö ngam Tēv, lökten min Yāvē nö kaheukö cha nö lamā-al. (Lūk. 11:23; Inm. 6:15-17) Hē ngam yöng kanihngen min yip tarik ngam Tēv Yāvē tö harīkngöre mineūkö. Höng cha-a min tö köpsören nö ha-öiny ngam Tēv re ngaich öt holṙen ngam “töṙeūla” min cha-a.—Inm. 13:14-17. w22.05 pěch 16-17 përa 8-9

Rö-ö yin vē tarik ngam Tēv nöng ahangken ngam “tölöök inhānga”, pön ahangken ngam kinṙôka inrē nö i vē tarik ikūöng panam ngam Sī-ö. (Mët. 24:14) Sā ṙēngen ngam ‘tameūyö hēk tökënngöre kumṙah’ ngam ahangkö cha. (Inm. 8:7, 13) Ngatī inlahen cha-a nö holṙen më ma-ahānga nö ahangköm tölöök inhānga. Im Inmeukhömat tö 8 mirulö söl im tö 10 nö vënyu inlahen ngam ma-ahānga ma-ahangkö inlahen yip tarik töt më-elkatòh ngam pūlngö ngam Tēv min nö kihngen. Akahalōn yin vē Vamënyen Yāvē tö më tarik min nö mihôiṅ nö löhlö tī tö minë nômö re, lökten cha nö vë-eny nang më tarik. Yēḵ cha nö halööktit re urěhěkūö ngam mana-aṅ sakamö ngaich öthō min cha-a nö kô-òngvah töp tanainyö ngam Tēv. (Sef. 2:2, 3) Pōyen pöri yip tarik töt ööire yěn vënyu nang. Lökten ayī-ö hòṅ īnu töm öt pinhë-eṅkūö re. Möthë takô yěn rultenre min ngam yöng kanihngen. Pô hī min ip hē e öi ahangken ngam kinṙôka. Pōyen min yip tarik tö lamā-al hī ip hē e.—Inm. 16:21. w22.05 pěch 7 përa 18-19

Fēkö inlahen nap Kristīön pamīhöre nap töhòṅ kūönu. Ha-eheten cha-a lohten nö hang minë minkahten i alaha ngam inruklö nyīö. Yēḵ cha pöri ngaich nö hòṅ kūönu, asītö elnang re min cha-a nö hang minë inlēnö, pön akahakūö cha-a tö ngam inruklö nyī-ö nö rö-ö nö tö kūöṅnö nö la-en. In e mikahlōn ayī-ö, tö hī öi chumkūöṙen hēk ngëichkö ṙô minë miröökö aṅmat ngam Paipöl yěn sāta minë tövënyu imat u nö in minë inlahen hī. Angū-ö ngih lāinyngen vē Tarik Yāvē nö hòṅ örheūheu nö vë-ekūö Paipöl. Ngaich fēken minë haköp re inrē nö sā inlahen yik rācha aṅ Israel “i ṙô-òten ò nö aṅ.” (Chöö. 17:19) Yī-ö Inyööngö, hěng an ngam tötṙanāngen la-en kinë-ekūö yīö, pò yīö hòṅ haköptö më kūön re tö inlahen ngam Tēv Yāvē. Rö-ö pöri angū-ö nö tö ngö manah tö meh öm höng mikahtökūö cha tö inlahen ngam Tēv Yāvē, pön hòṅ asīöpö inrē ngam hanāngenlōn cha tö ò. w22.05 pěch 26 përa 2-3

Rö-ö öi höng haṙivlōn tö minë fālen re pöi hòṅ meukö inrē öi kô-en öi halöktit re. Ngëicha inrē ang Yāvē yēḵ ngòh tarik nö kô-en nö halööktitre. Yēḵ ngòh tarik nö hòṅ halööktitre ngaich ṙāngenre anga-aṅ tö minë tötlöng la-en ngaich kēken minë la-en anga-aṅ tö löng nö kūö Yāvē. (Isa. 55:7) Ngaich hòṅ halöktö ngam mufē re inrē anga-aṅ nö asīnkö mufē Yāvē. (Rōm. 12:2; Efi. 4:23) Ngaich hòṅ köplōn ngaich anga-aṅ töre nö ötkô nö fēken minë tötlöng ṙô hēk un kēken minë tötlöng la-en. (Kòl. 3:7-10) Kô-en an Yāvē nö löktö in ngam tö kitaknyu mahām Yēsū Kristū nö hīnöre nö aṙēlen hī. Yē hī pöri kô-en halöktitre öi ṙāngen minë töchōch la-en möl min anga-aṅ nö aṙēlen hī.—1 Yôh. 1:7. w22.06 pěch 6 përa 16-17

Ik sā nā Ātöm nā Ĕva nö la-al ngam Tēv, löktö kūö in e ngaich më tarik nö öt lēken höö. (Mum. 8:9) Më mahayöng töngamuh nö chökhuṙen tö yip hayöngköre. Ngaich yip tö fāluṙen nö famëlhöng, ngaich yip nyīö më-el iskul nö hakihten holre hēk pinhë-elkūö holre inrē. Ōt inrē minë mikūönö töng famëlö höö. Anū-ö në lāinyngen ngòh tarik nö vöö tö tarik. Ta-a töi mikahtökūöre tö inlahen ngam Sī-ö nö kēḵ yanöölen re nö in ngih vanöörö.Lōnu an ngam Sī-ö tö hī öi pa-ekūö tö tarik ngaich ṙāngen re nö la-en tö ngam inhangkö ngam tölöök inhānga hēk öt hang chööngö Yāvē inrē. Lökten in më mahayöng anga-aṅ nö asökngen minë la-en hī hēk hakihten hī inrē. (Lūk. 21:12) Lökten in yip tarik tī inrē anga-aṅ nö sūöchkö inlahen më Vamënyen Yāvē. Ōt inrē yip tö minyôny-aṅ nö vë-eny inlahen cha. Ngaich yip hamang tarik tahëng nö mihôiṅ nö hayīölngen hī hēk ötlēken hī inrē. (Mët. 10:36) Töng ha-eh nun anū-ö nö ahang hī, pön ngatī inlahenken inrē misī yik mahaköp nö in Yēsū.—Inl. 5:27, 28, 40. w22.06 pěch 16 përa 10-11

Achīö yip min tö hachō-okūö tö më töhachāmö elkui nö lök in ngam tölöök? Cha-a yin më tarik tö ha-aṅlöng nö ikūö öp tufömngöre panam, yip töt kò-òngvah min tö ngam Armakētòn hēk yip nyīö inrē tö fötnyuvö nö ikūö ngam tufömngöre panam. Asā ngam töhěng köiny samyeūheu min nö keūheut ngaich ṙòkhöre min më tarik nö hëtlöre. Köpöölōn tö ngòh töhěng tak tarik pôrô nö töthěngö tökööl, rö-ö ngaich min anga-aṅ nö teūngen tö ngam nômö tö örheūheu. Kò-òṙen öm fēkö inlahen nā Ātöm nā Ēva tö cha sin nö töhet, öt hang chööngö Yāvē pöri ngaich cha-a, lökten ngaich cha-a nö öt teūngen tö ngam nômö tö örheūheu aṅ. (Rōm. 5:12) Ṙòkhöre min tarik nö het im manāngen ngam töhěng köiny samyeūheu. Ṙòkhöre hòng pöri min ngaich cha-a nö holṙen ngam inyöngö tö Yāvē? Höng sā ṙēngen nā Ātöm nā Ēva ṙöng pòrô nö het sön nö öt hang chööngö Yāvē? Im manāngen ngam töhěng köiny samyeūheu min öi kôta mat meuk yip tö chiplö hēk yip töt chiplö inrē. w22.09 pěch 22-23 përa 12-14

Yēḵ hī ngëicha ing panam töngamuh, öt köp ngam hinëngö nö el minë mikūönö. Örheūheu tarik nöng la-alkūöre hēk fëlö höö inrē. Höng ngëichköre tarik töngamuh. Michūḵṙen mā mahayöng, lökten tarik nö öt ṙinātu-ellōn nö in cha. Mihôiṅ min ayī-ö öi ngö lōn yěi meūkö u, tö hī ngaich öi öt maheūkku, hēk öt hanlööktitṙen anū-ö tö lōn hī. Anū-ö pöri në kamëtö maheūkkö hī, tö në kanihngen min ngaich nö hö-öv. Ṙën minë kinlēḵngô nö ngatī inlahen ineūka nö imat ngam Paipöl, pön vamënyen hī anū-ö tö hī ngaich öi el ngih “manā-aṅ sakāmö.” (2 Tim. 3:1-5) Kô-en ngih kinlēḵngô töngamuh nö teungtökūö. Nö inmeuktö Yēsū Kristū ngaich nö hayöng nö el halīöngö. Ōt nun inrē minë tö-eūka kinlēḵngô inlahen ngam Pūlngö. Ṙòkhöre minë tö-eūka kinlēḵngô nö sā öp tökiröng nyat hēk fotō öp tö tāpö. Ngaich yēḵ minë nyat nö keuheūtlöre nö tāpö tö hī, lööṙen mat ngaich ayī-ö öi meuk minë kinlēḵngô, tö teungtökūö nö ngaich, tö nup tö öl inrē nö teungtökūö. w22.07 pěch 2 përa 1-2

Ilööṙen ayī-ö öi halēnö el ṙūngö ngam invah COVID-19, öi sitih inlahen öi kēken minë mīting hēk sitih inlahen inrē öi ahangkö ngam tölöök inhānga. El online ngaich ayī-ö öi kēken minë mīting, ësemplī hēk könvensön inrē. Tölöṙô inrē öi höng ngöh öi i patī öi ahangkö ngam tölöök inhānga, löktö in minë chitri hēk fūn inrē, ngaich kētö inkôlò minë la-en hī ang Yāvē. Pōyen nup panam chūök yip pöplisör nö sīöplöre ṙôken ngaich pōyen ngaich inrē më holmaneuk hī tö teūngen tö tövai ekspirīön re nö ahangkö ngam tölöök inhānga. Pōyen yip töngölōn, höng yah nun minë inlēnö lamöktö el ngam söngkötön el ṙūngö ngih invah. Pōyen pöri ngaich yip tö kôta mat nö meuk minë inlēnö tö kētu nö kô-en anū-ö nö löng. (Mët. 11:19) Yēḵ hī öi fēkö inlahen Yēsū nö chumkūöṙen tö hī hēk vayö inlahen inrē nö hayōmken hī, ngaich sīöplöre ngam ṙinatö-ellōn hī öi in Yāvē in Yēsū inrē tö cha nö öt löktu nö ṙāngen hī pòrô öp tö sitih.—Hep. 13:5, 6. w22.07 pěch 13 përa 15-16

Ōt nup inrē tahëng inlahen hī yěi hòṅ ha-öönyö Yāvē, pön nup kahëtö ò nö in hī, ngaich hòṅ ha-öny tī ò ayī-ö. Kò-òren öi fēkö inlahen ò nö pōyen nup kahëtö ò nö in hī. Tö sā në töpōiṙāi maheuk hī, tö sā minë pūl, minë nyā-aṅkūö, minë tövai inrē chehen tö meūkö tö hī. Kētö hol hī inrē anga-aṅ hòṅ hī öi kē-ěny ṙētak re öi in cha öi haṙamngölōnre. Pōyen nup inrē tī ò nö in hī, ṙen anga-aṅ nö ngatī inlahen pön lōnu anga-aṅ tö hī öi örheūheu öi ṙamlōn. (Sal. 104:12-15, 24) Ngamuh pöri tö mötlö kahëtö Yāvē nö hī pön kē-ěkūö hī tö ngam Paipöl hēk tö minë līpöre inrē. Hòṅ hī maheūkkūvö töp tövai min sakāmö. Anū-ö në lāinyngen hī ha-öönyö Yāvē. Pōyen nup inlahen tī Yāvē nö in hī, hēṙu pöri ṙung ayī-ö öi vaichngö kētö nöönyö ò. Ngaich yēḵ meh më-eṅ öm ngatī inlahen, ngaich sitih inlahen më-eṅ mihôiṅ? Mihôiṅ më-eṅ öm kūichngen nup ṙô re öm vë-ekūö Yāvē, ngaich kēnyö ṙētakre öm ngëichken u, nö sitih inlahen ang Yāvē nö sapṙô meh öm vë-ekūö ò, ngaich anū-ö në ṙô meh öm ha-öönyö Yāvē.—Kòl. 3:15. w22.07 pěch 22 përa 8-9

Öt ṙanāngen ön ngam inkööpö mat Paipöl. Rö-ö pöri nöng tölngö in e, pön ōt inrē nup tö hòṅ inlahen hī öi lök im kanô-en. Tö ngö manah angū-ö, nup haköp meh kanô-en ngaich hòṅ kēkö kaha u më-eṅ, ngaich möl min öm teūngen tö ngam tökô-en ṙanamlōn. (Yāk. 1:25) Sitih inlehen mikahkūö pöri ayī-ö töre yěi asīnken ngam kanô-en yěi hö-ö? Ngö ṙô ngam töhěngtak prötör, ik sā chu öich afēken e öich sitih inlahen öich lök im kanô-en hēk sitih inlahen öich halööktitre. Ngö ṙô ök Pôl: “Höng lökten im taneūngen hī ngaich, ta-a töi lök in e angū-ö chöngö.” (Filip. 3:16) Afītöre man, yēḵ meh öm ma-anyre öm lök in ngam kanô-en, ngaich kirööngen taneūngen min më-eṅ tö yanöölenre. Teūngen më-eṅ tö ṙanamlōnre, ṙamölōn tī inrē tö Yāvē hēk yip prötör sistör inrē. (Inch. 27:11; 3 Yôh. 4) Ta-a chěi töi ṙòkhöre hangenlōn tö ngam kanô-en hēk lök in e inrē. w22.08 pěch 18-19 përa 16-18

Sitih inlahen aich më minṙöinylen mihôiṅ nö hameuktö hanangelōnre tö Yāvē hēk Yēsū inrē? Ngam inlahen cha kò-òren nö chumkūöken minë sīṅp Yēsū. (1 Pīt. 5:1, 2) Lūöi huṙô Pītör nö mahngen Yēsū, lökten anga-aṅ nö haṙivlōn ngaich hòṅ hameuktö ngam hanangenlōnre anga-aṅ tö Yēsū. Lökten ang Yēsū nö hatöönö ò unôichrit kinpaha ò nö ngö ṙô: “Me-eṅ kūön Yôna; hāngenlōn öm tö Chu?” Ngaich hameuktö ngam hanangenlōnre ang Pītör nö hòṅ nö la-evṙen. Ngö ṙô ang Yēsū nö in ò: “Ha-aṅlö në pököre Chu man.” (Yôh. 21:15-17) Yěm ngatī inlahen min ngaich hameuktöre min më-eṅ öm hangenlōn tö Yāvē hēk Yēsū inrē. Yī-ö minṙöinylen, sitih inlahen öi mihôiṅ hameuktöre öi hang minë ṙô Yēsū nö in Pītör? Örheūheu chöhken më prötör sistör, möthë cha-a nö hòṅ hareuskö alaha më prötör sistör yip tö kūnngöre inlahen nö i linöökölōn Yāvē.—Isi. 34:11, 12. w23.01 pěch 29 përa 10-11

Um ngö mufē töre öm höng hěngtak la-al minë kanihngenre, um ngölōn tö ih öt akahakūö tö kanihngen meh. Pön mihôiṅ min nö yih ngam mirivlōn meh yēm ngatī mufē ngaich ngölōn min më-eṅ tö meh min öt kô öm la-al minë tötlöng mufē elkuilōnre. Ngö kinūichngö an nö imat ngam Paipöl, “Hē ngam kinlaha min anga-aṅ nö vītö talöökö yīö öt kanô-òngvah, hòṅ yī-ö kalēḵ keūnö e.” (1 Kòr. 10:13b) Yēm yīhivö tö minë tötlöng mufē elkuilōnre, sön më-eṅ öm chiplö öm i linöökölōn Yāvē. Löktö in e min ngam inyööken meh öm la-al minë tötlöng mufē elkuilōnre öthō öm öt mihôiṅ öm ṙāpö re. Köpölōn ayī-ö, öi ötkô asökngen nup töchōich elkuilōnre pò hī öthet. Sön pöri ayī-ö mihôiṅ kēnyen minë töchōich elkuilōnre yěn yih anū-ö hòṅ hī öi lāköre tö u. Ngatī inlahen ök misī Yôsef. Hē ök pīhö Pòtifer nö hòṅ holtöṙah ò nö haṙòh, ngaich falngöre anga-aṅ nö ṙa-ang in ò.—Ran. 39:12. w23.01 pěch 12-13 përa 16-17

Ngam tövai hēk tinrīken Yāvē pön töt atöltuṙen yěn kahôka. (Chöö. 32:4) Örheūheu anga-aṅ nö kēken nup tölöng la-en öt atöltuṙen inrē tö tarik. (Inl. 10:34, 35) Im inlahen ò inrē nö kūich ngam Paipöl nö ṙōlkangen ëlô nö meūkö anga-aṅ nö töt atöltuṙen. Ngöṙô ang Yāvē nö vënyö inlahen nup yamih min ṙētak tö ngam ‘tökô-en mikah’ aṅmat ngam Paipöl nö ṙūöhölre ṙôken min ip mana-aṅ sakāmö ngaich pōyen min yip tarik tökôtökūö tö e. (Tan. 12:4) Kô-en ngaich öi meuk tö ngatī inë ṙētak hī töngamuh. Trānslētö, katānö hēk katööli inrē ngam Paipöl tö minë līpöre hēk mekesīn töngamuh nö i tarik, lökten ngaich nö pōyen tö ṙūöhölre ṙôken mikahkūö tö ngam kanô-en aṅmat ngam Paipöl. Ngaich yin inrē më tarik ngam Tēv Yāvē nö translēt ngam Paipöl nö keuheūtlöre, hēk ōt nöng haroh tūmö, tö minë tahëng līpöre tö katānö, nö pōyen tö tö 240 ëlô, mihôiṅ inrē öi teūngen tö ngam Paipöl pòrô öi öt ṙāyu tī öi in re. Lökten yin më tarik töngamuh tö keuheūtngöre chūök ikūö ngih panam nö teūngen nö hang ngam “tölöök inhāngkö ngam pūlngö” ngam Tēv urēhěkūö öp manāngen nö yih. (Mët. 24:14) Tö löngö tī ngam Tēv hī yěn kahôka töt atöltuṙen inrē. Kētö ṙētak tarik anga-aṅ nö haköp mat ngam Paipöl mikahtökūöre inrē tö ò, kūö ò nö hangenlōn tö taṙòkhöre tarik. w23.02 pěch 5 përa 11-12

Lohten man më-eṅ öm hòṅ kēken nup tölöök la-en, nup tölöng nö imat Yāvē. Ṙòkhöre pöri ayī-ö tarik öi öt het, hēṙu mihôiṅ öi sā mufē ngih panam, lökten kò-òren öi öt akahakūö töp tölöök hēk tötlöök inrē. (Isa. 5:20) Ōt yip muh tö köp nö inup ṙô re, rīkre yip muh inrē tölöök tölōn re. Yěn rahëichyen vanaichö yip tahëng, ilööṙen cha-a nö kahòkken cha. Pòrô pöri cha-a nö tö löök tölōnre, hö-ö pöri angū-ö nö kaheūkö nö in cha nö tölöök. Öt hangenlōn ang Yāvē tö yip tarik tö ngatī inlahen, ngatī ngam kūön ò Yēsū inrē. Hē ò misī nö ing panam, ngaich hatainyken yik yōm tinlööken anga-aṅ. Pò cha nö töhet tö ṙô re. kahngenre inrē cha-a nö vī minë inchöngten minë tölöng hēk tövaich. (Mum. 7:16; Lūk. 16:15) Asuh ang rih ngam lanöökö? Tö ngö manah an ngam lanöökö, nup tölöng nö ikūö Yāvē ngaich hòṅ kēken u ayī-ö. Ik sā kinūichö ngam Paipöl pöri misī ngaich ṙōlkangen inlahen ṙô më vamë-eny inlahen ngam lanöökö nö imat e. Höng hěng pöri ngam manah e, tö hī öi hòṅ asīnkö nup tölöng inchöngten re tö Yāvē. w22.08 pěch 27 përa 3-5

Pōyen nuk vanachö inlahen yik haköptö Yēsū, sön pöri anga-aṅ nöng ṙātö-ellōnre nö in cha. (Yôh. 15:16) Hěngheuh nā Yāköp nā Yôhan nö ngö ṙô nö in Yēsū, kētö chūök ai man el ngam Pūlngöre lā tavē hēk lā hāmöö meh. Öt tölöng pöri ngam havëkö cha, öt fēkö ngam ṙô cha pöri ang Yēsū höng köp inrē cha-a nö haköp nö in ò. (Māk. 10:35-40) Ik sā Yēsū pöri nö kē-ě ik hatööm, ngaich ṙòkhöre yik haköptö ò nö ṙāngen ò. (Mët. 26:56) Öt Ṙāngenre pöri ang Yēsū nö ṙātö-ellōnre nö in cha. Pön akahakūö anga-aṅ tö minë öt kumlēḵ-en cha, lökten anga-aṅ nö söl manā-aṅ nöng hangenlōn tö cha. (Yôh. 13:1) Unôichrit inlahen ò nö hachohlöng, ngaich kētö tökiröng anga-aṅ la-en nö in yik tö 11 tak tanīnöṙô. Ngaich ngö ṙô anga-aṅ nö in cha, hayōmken ngam la-en yin ngam vinī-i mahaköp hēk meukṙen minë sīöṅ chu inrē. (Mët. 28:19, 20; Yôh. 21:15-17) Kô-en yin më tanīnöṙô nö chūök hī ṙātö-ellōnre, pò cha nö tö chiplö nö söl kinpahare nö löklōn Yāvē hēk Yēsū inrē. Tö sā hī ngaich meuk inlahen Yēsū nö ṙātö-ellōnre nö in yik töthet tarik. Hòṅ ngatī inlahen in ayī-ö inrē. w22.09 pěch 6 përa 12

Yěi ṙatö-ellōnre min tö Yāvē nö hangenlōn tö hī tö ò inrē nö lā in hī hēk holṙen hī inrē. Ngaich öthō öi öt mihôiṅ tö ngam Sī-ö. Kò-òren öi ngëichkö ṙô ngam Salmai 118 öi ngëichkö mufē ngam kamūchö e. Pōyen nuk lamākūö ò kanihngen, pōyen yik tö kunyaha elmat tö ò, ngaich ōt yik tökiröngö minā-aṅ inrē yik tö kunyaha elmat tö ò (9, 10 miröökö). Pōyen nuk kanihngen ò (13 miröökö). Ngaich hěngheuh inrē ang Yāvē nö vëken ò (18 miröökö). Akahalōn pöri anga-aṅ tö Yāvē nö hangenlōn tö ò, ngaich öthō nö ṙāngen ò. Lökten anga-aṅ nö ngö ṙô: “Öt hō chin min pa-ekūö.” Kirööngen ṙinatö-ellōn anga-aṅ, pòrô öp tö yòh kanihngen ò. Pön örheūheu ang Yāvē nö hayööken ò. (Sal. 118:29) Töhangenlōn ang Yāvē tö hī öi ṙòkhöre. Lökten yēḵ hī öi ṙatö-ellōn re öi in ò, ngaich mihôiṅ ayī-ö ṙap ngam pinhë-ekūöre. Öthō min ayī-ö öi vöö öi ngëichkö mineuklö kui ngam mikūönöre, öthō inrē öi vöö tö yip tahëng hēk öt vöö inrē min tö ngam kinpaha. w22.06 pěch 15 përa 3-4

Hòṅ mötlö lōn ayī-ö töm kinëtö nöönyö Yāvē. Tövīlöng ayī-ö tö Yāvē, lökten öi hòṅ ha-öinyan. (Inm. 4:11; 14:6, 7) Hòṅ asā öp lōn ò inrē ayī-ö öi ha-önyan, tö ngö manah tö hī öi hòṅ “holtö ellōnre, kanô-en inrē” öi ha-önyö ò. (Yôh. 4:23, 24) Hayööken hī an ngam töhet fanöinylö öi asā ṙô minë tö kūichi kanô-en imat ngam Paipöl öi ha-önyö ò. Yēḵ hī öi iyöng öi in öp kamngö chūök ngih la-en hī nö asökiṙen, sön ayī-ö hòṅ iṙūöhen ha-önyö Yāvē. Pōyen tö tö hēngòng ṙôken töngamuh prötör sistör më-el chēl, kūö cha nö ha-önyö Yāvē. Pòrô cha-a nö el chēl, sön nö öt ṙākôre nö vë-ekūö Yāvē. Hēk öp töng tölngö inlahen cha nö vë-eny inlahen Yāvē tö ngam Pūlngö ò inrē nö in yip tahëng. Holtö ṙanamlōnre cha-a nö ngatī inlahen, pò cha nö akahakūö tö Yāvē nö in cha. Ngaich öthō min cha-a nö öt kē-ěvkūö tö raneushöre, pòrô nup töng sitih öt linëken hēk inkihten cha min. Sön min cha-a nöng ṙamlōn.—1 Pīt. 4:14. w22.10 pěch 9 përa 13

Pōyen nup ṙô imat ngam līpöre Inchōḵ-oṙô tö kūichhötvö nö yanöölen hī töngamuh i në ṙētak. Kò-òren öi ngëichkö në tö nët inlēnöreNgam raneh, ṙamlōn man inup töng aṅ in re. Ngö ṙô ngam Inchōḵ-oṙô 23:4, 5 nö halēnö hī: “Um harëtnyö elmat re öm hòṅ teūngen tö kanôlò. . . . Pò e nöng lūk nöng kiteūngöre, sā matēṙö nö kiteū kū-ö tö el halīöngö.” Ngaich pöri tarik töngamuh nöng chuh in e, pòrô tökòlô hēk yāich inrē. Angū-ö lāinyngen yip rīkre nö öt lööngö minë-eny, öt vai ngam innôlö cha nö in yip holre, vahavö hēk mihôiṅ nö kapah tökūö e. (Inch. 28:20; 1 Tim. 6:9, 10) Ngam innëtö, fēkö ṙôre yěm ṙô-òv. Yēḵ hī min öt fēkö ṙô re yěi ṙô-òv, pōyen min nup kanihngen hī. Ngö ṙô an ngam Inchōḵ-oṙô 12:18 “Hĕng tak ap umuh tökësô sā sanët tö saphötvökūö, kētö lanööken vah pöri ngam litāk tö akaha.” Yēḵ hī min öi höng ötlēkôre tö öp holre öi in yip tahëng, ngaich mihôiṅ min nö ötlöng ngam innôlö hī nö in yip hol hī.—Inch. 20:19. w22.10 pěch 21 përa 14; pěch 22 përa 16-17

Tö ngö manah angū-ö, tö Isikīěl nö hòṅ urěh nö akahakūö tö minë vahënyöre urēhěkūö ò nö vë-eny nang më tahëng, pön möl min anga-aṅ nö holtö ṙinatö-ellōnre nö vë-eny nang cha. Ik sā Isikīěl ngaich nö nyā ngam tölirōlö linöömö ‘pachāka angū-ö nö elvāng ò nö sā ṙēngen hönī.’ (Isi. 3:3) Ngam tö ngö manah, tö Isikīěl nö ṙamlōn kūö Yāvē nö katöllen ò nö ma-ahāngtö nang yik tarik. (Sal. 19:8-11) Unôichrit e hēk ang Yāvē nö ngöṙô nö in Isikīěl, “ṙòkhöre nup ṙô chu vë-ekūö meh min kē-ĕ u ellōn meh, hang inrē minë elnang meh.” (Isi. 3:10) Tölṙô Isikīěl ang Yāvē nö haköplōn re tö minë tö kūichi nö imat ngam tö löömö līpöre, ngaich fēken u inrē. Ik sā Isikīěl ngaich nö ngatī inlahen ngaich ngönlöre ngam ṙinatö-ellōn ò, öt pa-ekūö ngaich anga-aṅ nö vë-eny ngam vahë-enyö re nö in yik tarik. (Isi. 3:11) Keuheūthötre minë ṙô ngam Tēv Yāvē nö elkuilōn Isikīěl lökten ò nö holtö ṙinatö-ellōnre ngaich nö vënyen e. w22.11 pěch 6 përa 12-14

Yěn ōt nup tö halööktitvö el ngam söngkötön sahō-o meh, ngaich hòṅ sitih inlahen më-eṅ? Hō-en minë töhalööktitvö më-eṅ el ngam söngkötön. Ik sā më mikūönö Kōhat nö kiröön nö el ngam tö nyalnyi keun ngam kasòng chööngö cha-a nö urēhěkūö më tarik. (Kin. 3:29, 31; 10:33; Yôs. 3:2-4) Tökiröng angū-ö nö la-en nö minlēḵken cha! Öt sā re pöri cha-a nö keun ngam kasòng chööngö ik sā cha nö teung nö im panam kinlēḵngô. Lökten ngaich cha-a nö kē-ěvkūö tö minë tahëng la-en. Ik Sakāmö ök rācha Sòlòmön nö hayöng, ngaich ōtre incha tumkökṙôre, töṙātu nö amahati hēk mayōm pati nyā-aṅkūö inrē. (1 Kin. 6:31-33; 26:1, 24) Öt hěngkang chūök nö kūichiyö nö imat ngam Paipöl tö më mikūönö Kōhat nö uyëḵkenre nö hòṅ kiröngö la-en nö sa nuk la-en cha sin nö lā-urěh. Asuh öp haköp hī i inlahen më mikūönö Kōhat? Yěn halööktitvö nup la-en el ngam söngkötön Yāvē ngaich hòṅ hō-en u ayī-ö, lohten man sin tö pōyen la-en, kē-ěyö pöri minë la-en meh. Yē meh pöri kē-ěvkūö tö nup töng la-en ngaich hòṅ ṙāmlōn më-eṅ. Köplōn më-eṅ nö rö-ö Yāvē nö kūö ngam la-en meh nö pōiṙāi mat tö meh, kūö ngam hinangö chööngö pöri öm pōiṙāi i mat ò. w22.11 pěch 23 përa 10-11

Ik sā Ònīsifòres nö chöhö Pôl, kôtökūö ngaich anga-aṅ ngaich hayööken ò tö nup hanākten ò, öt vanööru anga-aṅ nö hayööken Pôl. Asūp haköplö hī in Ònīsifòres? Yěn hakihtuṙen më prötör hī ötkô min ayī-ö öi heūlngöre i inyööken cha tökūö vanööröre. Öp töng kanô-òṅ hī öi i inyööken cha, ngaich kētöre ayī-ö. (Inch. 17:17) Pön angū-ö ṙētak hī hameuktö ngam hanangenlōnre öi in cha. Ngatī yin inrē më prötör sistör hī nö hayööken më holmaneuk hī aṅ Rūs. Më tö chaphötvö nö el chēl, chuh el kòt inrē acha-a nö hol më prötör sistör hī tö kahòkkaṙen. Asūp haköplö hī in cha? Hòṅ ngatī inlahen in ayī-ö yěn hěngtak öp mahachōḵ-kūö hī prötör, nö ötlēkaṙen hēk nö kē-ě nö chuh el chēl, ngaich ötkô ayī-ö vöö. Pöi hòṅ kētöre öi hayööken cha, mihôiṅ inrē öi vë-elkūi cha hēk hareuskö alaha yip mikūönö cha inrē öp töng tölngö inlahen hī öi hòṅ hayööken cha.—Inl. 12:5; 2 Kòr. 1:10, 11. w22.11 pěch 17 përa 11-12

Yěn yih nup tö faltöre pinlāngen, ngaich hòṅ chumkūöṙen më minṙöinylen nö ngëichkö më prötör sistör yěn aṅhavin tö nyā-aṅkūö, chehen hēk chūök cha inrē. Ngamuh inrē la-en cha nö hòṅ hareuskö alaha më prötör sistör nö löknyö mat ngam Paipöl hēk hangönkö alaha yip haṙivlōn inrē. (1 Pīt. 5:2) Pòrô nö keuheūten inlahen minë pinlāngen pōyen më prötör sistör tö hòṅ örheūheu nö kētu inreuskö alaha. (Yôh. 21:15) Töi chumkūöṙen tö ṙô prötör Hëröl, ngam alaha ngam mupākö kömitī. Meukkūö yik tö ṙōlkangen prötör sistör anga-aṅ yip lama-al minë tö faltöre pinlāngen. Ngö ṙô anga-aṅ: “Öt ilööṙen nun ṙung minë miṙivlōn më prötör sistör nö chuhngöre. Kihngen cha-a nö havantö minë inlahenre urěh, pò cha nöng örheūheu nö fēkö ngam kanihngen. Lohten nö kapahlöng cha-a tökūö ngam tö faltöre pinlāngen, keuheūtngöre inrē nuk chehen cha hēk mihôiṅ cha-a nö kapah tökūö pinlāngen. Anū-ö në tö ngatī afēkö cha tö mihôiṅ. Rö-ö pöri nö tö ngatī manah angū-ö tö ngam ṙinatö-ellōn cha ngaich nö kūönngöre, pò cha nöng tö sā hī nö tarik inrē.” Hang ngam inlēnö aṅmat ngam Paipöl më minṙöinylen ngam tö ngö ṙô: “Ṙāmölōn i tö ṙāmölōn; peuny i yip pameuny.”—Rōm. 12:15. w22.12 pěch 22 përa 1; pěch 24-25 përa 10-11

Kē-ěkūö hī ang Yāvē tö ngam töhet kumlēḵ hòṅ hī öi kēken minë tölöng la-en öi la-al minë töchōich mufē elkuilōnre. Yē hī haköp mat ngam Paipöl öi chumkūöṙen, ngaich hökngen ngam töhet fanöinylö ngam Tēv ayī-ö nö la-avṙen nö ikui hī. Teūngen inrē ayī-ö tö ngam töhet fanöinylö el ṙētak mīting. In e öi meukkūö yip prötör sistör yip tö sā inlahen hī nö kēkö nup tölöng la-en ngaich teūngen ayī-ö tö nganönöre yěi vë-ekūö cha. (Hep. 10:24, 25; 13:7) Mihôiṅ inrē ayī-ö öi havëkö kūö Yāvē tö ngam töhet kumlēḵ, vë-ekūö ò inrē ayī-ö nö hayööken hī öi la-al minë töt kumlēḵ-enre. Rö-ö nun nö öt yīhen hī minë töchōich elkuilōn hī yē hī öi chuh el mīting hēk vë-ekūö ngam Paipöl inrē hēk yěi vë-ekūötēv inrē. Yē hī pöri höng iṙūöhen kēken minë tölöök la-en ngaich öthō min öi yīhiv tö minë töchōich elkuilōn, pöi mihôiṅ min öi lāköre. Töt ṙanāgen an ngam inlahen hī öi hòṅ kēken minë tövai la-en hòṅ ngam innòlö hī nö vai nö in Yāvē ngaich fēken minë tölöök inrē. w23.01 pěch 11 përa 13-14

Hö-ö an ngam Paipöl nö sā nup tahëng līpöre nö vë-eny nang hī, öi sitih inlahen chumkūöken ngam alahare, asuh nup tö hòṅ nyā-aṅkūö hī, hēk asuh inrē nup inlahen hī? Vë-eny nang hī pöri angū-ö tö inlahen mufē Yāvē. Tö sā ngih, kētö inlēnö hī ang Yāvē nö imat ngam Paipöl tö hī öi hòṅ ṙūöhöngre tö nup töt töng la-en nup töng “chanök alaha.” (Mum. 11:10) Vë-eny nang hī inrē angū-ö tö hī öi ötkô öi pōivat òk ka-eūt hēk ötkô inrē öi yahlö ṙôkvat öi nyā. Pön mihôiṅ min ngam alaha hī nö öt kòlô, mihôiṅ inrē min öi kapah. (Inch. 23:20) Lōnu ang Yāvē tö hī öi hòṅ ṙāpöre, yěi kēḵ fësla re i alaha minë nyinā-avkūö.(1 Kòr. 9:25) Yēḵ hī öi chumkūöṙen inup la-enre, ngaich hameuktöre ayī-ö öi milēḵṙen tö ngam nômö kahëtö Yāvē. (Sal. 119:99, 100; Inch. 2:11, 12) Töi ngëichkö inlahen ngam nyinā-avkūö, yēḵ hī öi akahakūö töre öi vahavö yěi nyā öp töhěng nyā-aṅkūö, ngaich öt hō min ayī-ö öi nyā-a e. Inmeuktö hī min angū-ö öi holtö mikah elmatre öi la-evṙen. Ngatī inlahen inrē öi holtö mikah elmatre öi la-evṙen yěi vayö mat öi haṙòh, eksörsāis, ha-ëtöre hēk ha-et patīre inrē. w23.02 pěch 21 përa 6-7

Sitih inlahen öm min chöh minë tö pōiṙāi kanòlô yěm ṙònghöichṙen öm vë-ekūö mat ngam Paipöl? Ngëichkö ṙô ngam 2 Timôtī 3:16, 17. Vënyu minë ṙô ngam töhet līpöre nö (1) inköphöti, (2) vinëkö, (3) inlööktö, hēk (4) chööngö nö im lanöökö. Lökten yěm haköp öp töhěng inlahen, ngaich hòṅ afēkö öp haköplöre më-eṅ kuilōn ngam Tēv nö in e, töp lökngörit chööngö inrē aṅmat ngam Paipöl. Hòṅ chumkūöṙen më-eṅ töp kuilōn Yāvē, yěn hòṅ vë-eny nang meh tö inlahen ngam tinrīken meh nö hòṅ halööktu. Sitih löktö mikahkūö öm min? Afēkö ngam vahë-ekūöre man, yěn famëlen meh angū-ö hēk tummël ngam elkuilōn meh, yěn ōt nup tötlöng mufē nö elkuilōn meh, sitih ṙöng yěn ōt min anū-ö? Sitih inlahen öng ngam tinrīken meh? Sitih inlahen öm min kēnyö nup tötlöng mufē nö ṙa-ang ellōn re hēk sitih inlahen öm höng köp im linöökö lōn Yāvē. Hòṅ hachip öp tövaich talöököre më-eṅ, tö sā meh yěm vāchö mufē i alaha ngam inhangkö ngam tölöök inhānga, ngaich yěn öt sāḵta minë mufē meh nö in minë mufē Yāvē. Ngaich hòṅ halööktö minë mufē re më-eṅ tövaich. Hòṅ meh sāḵta mufē öm in Yāvē. Yěm chumkūöṙen min tö në tö fën, kòtökūö min më-eṅ tö minë töhayunngöre kanòlô aṅ im ṙô ngam Tēv, minë töt taneūngen meh nö uroh yěm haköp mat nup tahëng līpöre. Kò-òren öm kalahten re, hòṅ meh teūngen tö yanöölen re yěm vë-ekūö mat ngam Paipöl. w23.02 pěch 11 përa 11

In ngam kinlēḵngô tö kūichi nö im līpöre Tanīěl nö vënyu ngam ranulten Yēsū nö hayöng, unôichrit kinheūtö minë tö sat ṙētak. Ihē pöri ngam tö sat ṙētak nö keuheūt? (Tan 4:10-17) Ngam rôtòng ngam tö “sat ṙētak” in ngih tö-eūka kinlēḵngô nö tö 2,520 samyeūheu angū-ö. Löktökūö ik 607 B.C.E. an ngam ranehtökūö ngam tö “sat ṙētak” hē më tarik aṅ Pēpilön nö kiyūngö Yerusalem ngaich kēngen ök rācha mahayöng nö ṙa-ang el ök anūichö rācha. Ngaich 2,520 samyeūheu rò-òten nö öt rāchavö mahayöng tö ṙama-ang im Tēv. Ik samyeūheu 1914 nö keuheūt ngam tö “sat ṙētak” hē Yēsū nö vīlöng tö Yāvē nö Rācha ngam pūlngö, ngam törònglen nö “aminten tö e.” (Isi. 21:25-27) Sitih inlahen ngih tö-eūka nö ngönlöre tī töm ṙinātö-ellōn hī? Ngam kinlēḵngô inlahen minë tö “sat ṙētak” teung angū-ö nö im ṙētak re. Ngaich rultenre ngam Pūlngö nö hayöng nö el halīöngö. Lökten öi mihôiṅ ṙinatu-ellōn tö minë tö-eūka kinlēḵngô Yāvē, nö öt hō nö öt teung nö ip ṙētak ṙô ò. “Öt ahāṅkenre min!”—Hap. 2:3. w22.07 pěch 3 përa 3-5