SĀ TINRĪKEN KRISTĪÖN
Ṙapken Hī An Yāvē Yěi Kihngen
Pōyen nup kanihngen hī pò hī el ngih mana-aṅ sakāmö. Hēṙu ṙung öi ngö lōn yěn yih nup tökiröng kanihngen hī, ‘öt kô chin ngaich la-al në kanihngenre.’ Yē hī pöri ṙūöhtöre in Yāvē, ngaich öthō öi öt mihôiṅ tö nup töng kanihngenre. (Isa 43:2, 4) Sitih inlahen öi ṙūöhtöre in Yāvē hē el nup kanihngen?
Vë-ekūötēv. Yē hī löpnyö kūö ellōnre vë-ekūö Yāvē, ngaich kētö lanāmö elkuilōn hī anga-aṅ hēk kētö kumlēḵ hī inrē lā-al nup kanihngenre.—Filip 4:6, 7; 1Tö 5:17.
Mīting. Hòṅ ṙūöhlö inlahenre ayī-ö töngamuh chuh inup manūlö. Löktö im mīting tī Yāvē nö haköpten hī hēk ṙētak hī inrē hanôl yip prötör sistör. (Hep 10:24, 25) Yē hī halēn nup haköpre öi chuh el mīting, ngaich sap nup intöönö inrē, ngaich sa inlahen kamë inyöökenre min ayī-ö im töhet kumlēḵ Yāvē.—Inm 2:29.
Im la-en Inhānga. Yěi ma-anyre ahangkö ngam tölöök inhānga, ngaich chumkūöṙen min ayī-ö tö nup tölöök ṙô. Rö-ö nöng anū-ö, pön ngön min ngam innôlö hī in Yāvē hēk in yip prötör sistör inrē.—1Kò 3:5-10.
NGËICHKÖ NGAM VITIŌ TARIKRE MIN YĀVĒ TÖ MEH, NGAICH KĒTÖ SANAPṘÔ NË INTÖÖNÖ:
Sitih inlahen Malū nö ṙūöhtöre nö in Yāvē hē el nuk kanihngenre?
Sā mikahngen Malū, sitih inlahen öi teūngen tö hanöhlöre hēk kumlēḵre öi löktö im Salmai 34:18?
Asuh öp mikahkūö hī im ekspirīön Malū tö inlahen Yāvē nö kētö kumlēḵ hī hē el nup kanihngen tö ngam ’kumlēḵ tö mötlö tö kumlēḵ tarik’?—2Kò 4:7