Hameuktö Ngam Neukölōnre

Sitih Inlahen Ök Yēsū

VITIŌ: Lööken Tī Ang Yēsū Tö Ngam Tötmeuk

1. Meuk ngam VITIŌ, höng löö vë-evkūö ngam Yôhan 9:1-7. Ngaich fēkö në intöönö:

1. a. Asuh ök raneh la-en Yēsū—halanken ngam tötmeuk hēk vë-eny nang ò ṙöng tö ngam tölöök inhānga?—Ngëichkö ṙô ngam Yôhan 9:35-38.

2. b. Kūöyòh tölōn meh ngam tarik nö hōḵ nö hang ngam tölöök inhānga?

Asuh Öp Haköplö Hī In Yēsū?

2. Yěn akahaiṙen min ngam tarik tö hī öi chumkūöṙen tö ò ngaich ööire min anga-aṅ nö hangihtöre tö ṙô hī.

Sitih Inlahen Öi Min Asīnken Yēsū

3. Haṙongtö miṙivlōn re im vahë-ekūöre. Fēkö mufē ngam vahë-ekūöre.

1. a. Ngöṙô öm hatönöre: ‘Asuh nup vöh afēkö ngam vahë-ekūö chu? Sitih ṙô öich öre kētö hanöhlö ò?’ Akahakūö min ayī-ö tö mufē ngam tarik yēḵ hī öi fēken në ngaich ngatī inlaha ṙô min öi vë-ekūö ò.

2. b. Ngaich yěn vënyö nup piṙūtkö re ngam tarik, ngaich hòṅ hangihtöre më-eṅ tö ṙô ò, ötkô öm harīkngö ṙô nā hēk tö tahëng.

4. Holtö hanāngenlōnre hēk minlēḵṙenre öm vë-ekūö ò. Inup ṙô meh nö meūkö ngam chumkūöṙen meh tö ngam tarik. Lökten öm hòṅ chumkūöṙen tö nup ṙô re hēk inlahen ṙô re inrē, ötkô nö aṙē-ěv ngam lamākūö meh tö nup ṙô meh.

5. Hayööken ò. Chöhtö nup tö mihôiṅ man talöökö tī re öm hayööken ngam tarik. Yěn meūkö meh min ngam tarik öm hayööken ò ngaich pi-a min më-eṅ öm ṙòngnyöre kūö talöökö ṙô öm vë-ekūö ò.