Haṙongtö Mufēre In Ngam Tarik

Sitih Inlahen Ök Yēsū

VITIŌ: Aṙē-ělōn ang Yēsū nö meuk yik tömaṙôngö

1. Meuk ngam VITIŌ, hönglöö vë-evkūö ngam Mākös 6:30-34. Ngaich fēkö në intöönö:

1. a. Kūöyòh ang Yēsū tö yik haköptö ò inrē nö chuh in ök “tököhngen chūök”?

2. b. Kūöyòh ang Yēsū nö haköpten yik tömaṙôngö?

Asuh Öp Haköplö Hī In Yēsū?

2. Yēḵ hī min öi aṙē-ělōn tö yip tarik, ngaich fēkö mufē cha min ayī-ö, rö-ö öi höng fēkö kinheūtngö ngam la-en re.

Sitih Inlahen Öi Min Asīnken Yēsū

3. Chumkūöṙen hangihtöre. Höknyöṙô ngam tarik nö vë-eny mufē ellōnre. Um asökngö ṙô ò. Yē ò nö vë-eny minë kanihngen re hēk mufē re inrē, ngaich hòṅ chumkūöṙen öm hangihtöre tö ṙô ò. In e min anga-aṅ nö akahakūö tö meh öm kô-en öm chumkūöṙen tö ò.

4. Fēkö inlahen ngam vahë-ekūöre. Fēkö inlaha ngam tarik asā minë ṙô nā an vë-ekūöre:

1. a. ‘Kūöyòh ang min nö ṙamlōn ngam tarik yěn vënyu nang tö ngam kanô-en?’

2. b. ‘Sitih inlahen min nö vailöre ngam tinrīken ò hēk teūngen inrē anga-aṅ tö maheūkkö re yěn kē-ě istötī?’

5. Haköptö nup tö yöölen tī tö ngam tarik. Yěm teūngen tö ṙētak re ngaich hòṅ hameukhömat ngam tarik më-eṅ tö nup yanöölen ò min yěn istötī. Pön teūngen min anga-aṅ tö sanapṙô nup intöönö elkuilōn re teūngen inrē min tö tövai inlēnöre.