RĔHNYÔRE ÖM VË-EKŪÖ TARIK
LESÖN 5
Haṙēmngenre
Lökngörit Chööngö: “Hökngen nup ṙô yīö nö örheūheu nö holtö lanöökö.”—Kòl. 4:6.
Sitih Inlahen Ök Pôl
1. Meuk ngam VITIŌ, hönglöö vë-evkūö ngam Inlahen 17:22, 23. Ngaich fēkö në intöönö:
a. Sitih lōn ök Pôl hē ò nö meuk inlahen më aṅ Ĕtën nö vë-ekūö insātēv?—Ngëichköm Inlahen 17:16.
b. Sitih ṙô ang Pôl nö eūḵ inlahen më aṅ Ĕtën, sitih inlahen ngaich anga-aṅ nö löknyuṙô nö vë-ekūö cha?
Asuh Öp Haköplö Hī In Pôl?
2. Hang ṙô hī min yip tarik, yēḵ hī öi chumkūöṙen tö nup ṙô re hēk tö nup inlahen ṙô re hēk ṙētak ṙô re inrē öi vë-ekūö cha.
Sitih Inlahen Öi Min Asīnken Pôl
3. Chumkūöṙen tö nup ṙô re. Lohten öp vahë-ekūö meh nö töt ṙamātö-ellōnre nö im Paipöl. Ngaich hòṅ fēkö öp inlahen ṙô re me-eṅ yěm hòṅ ṙôtö ṙô ngam Paipöl hēk yěm hòṅ vë-eny inlaha Yēsū inrē öm in ò.
4. Um ilööṙen hòṅ halööktö ṙô öp tarik. Höknyö ṙô ngam vahë-ekūö re. Yěn öt sā ta nup ṙô ò nö im Paipöl ngaich um ilöö halööktö ṙô ò, tön hòṅ höktöre më-eṅ. (Yāk. 1:19) Yē meh min hangihtöre tö ṙô ò ngaich akahakūö min më-eṅ tö öp ṙinātö-ellōn ò.—Inch. 20:5.
5. Eūḵ ngam vahë-ekūöre. Höng ngam ṙinātö-ellōn ngam tarik öp min tölöng nö imat ò. Lökten min anga-aṅ lohten nö öt ilöö ṙātö-ellōnre tö minë ṙô hī. Chöh talöökö ṙô re pöri më-eṅ öm vë-ekūö ò öm ṙôtö nup tö hō-ov tö nā ngaich hiṙeūtkö inlahen re öm vë-eny ṙô ngam Paipöl.
NGËICHKÖ NË INRĒ
Inch. 25:15; 2 Tim. 2:23-26; 1 Pīt. 3:15