YĒḴ MEH HAKÖPHÖTI
LESÖN 11
Lööṙen Ṙô
Lökngörit Chööngö: “Ṙôtö tölööṙen inkaha ṙô.”—1 Kòr. 14:9.
Sitih Inlahen Ök Yēsū
1. Meuk ngam VITIŌ, hönglöö vë-evkūö ngam Mëtiv 6:25-27. Ngaich fēkö në intöönö:
a. Asuh ök inchōṙô Yēsū nö vënyen Yāvē nö chumkūöṙen tö hī?
b. Keuheūtlöre mikahkūö ang Yēsū tö inlahen minë chehechōn, höng asuh pöri öp tövënyu tö ò? Kūöyòh angū-ö nö tölöng nö inlahen hī yěi haköphöti?
Asuh Öp Haköplö Hī In Yēsū?
2. Yěi lööṙen ṙô min öi haköphöti, ngaich lökngöre ellōn min yip tarik tö ṙô hī, köplōn inrē tö nup haköp re.
Sitih Inlahen Öi Min Asīnken Yēsū
3. Um pōyen ṙô. Lohten më-eṅ öm keuheūtlöre mikahkūö tö inlahen öp töhěng tòpik. Ötkô pöri ngaich min öm keuheūtnyö ṙô re tö u. Minë tökētu pöri töhakööpö imat ngam līpöre, hòṅ anū-ö tö kakka. Höknyö ṙô ngam mahaköp nö kētö sanapṙô ngam intöönö. Ngaich yěn öt kētö sanapṙô anga-aṅ hēk vaichö ṙô inrē, ngaich hòṅ harīkngö inlaha ṙô re hēk më-eṅ öm hatönö ò hanöng saha ò nö öl nö akah elnang. Yěn ngaich anga-aṅ nö akah elnang ngaich mihôiṅ an iṙūöhöröön.
4. Haṙongtö ṙô minë lā urěh töhakööpö in minë tufömngöre töhakööpö. Tö sā nā öre yěn rultenre an haköp ngam lesön invanlö tökapah, ngaich hòṅ hatön ngam mahaköp më-eṅ yěn köplōn anga-aṅ tö minë haköp nā ik urěh inlahen më tökapah.
5. Hòṅ chumkūöṙen yěm kētö inchō-elmat. Hatöönöre tö në yěm hòṅ kētö inchō-elmat:
a. ‘Lööṙen hòng ngam inchō-elmat vahënyö chu?’
b. ‘Akah elnang ang min ngam mahaköp tö e?’
c. ‘Köplōn ang min ngam mahaköp tö nup haköplö re nö im inchō-elmat, höng ngam inchō-elmat ṙöng min kanöplōn ò?’